LEXO PA REKLAMA!

SHKARKO APP

E fundit!

x

Humb jetën emigranti i paligjshëm shqiptar në Angli/ Tentoi të vriste veten një javë më parë

18 Nëntor 2023, 18:21, Kronika CNA

Humb jetën emigranti i paligjshëm shqiptar në Angli/ Tentoi

Një emigrant shqiptar, 37-vjeç i arrestuar në Angli, ka ndërruar jetë ditën e djeshme në spitalin East Surrey, në Redhill.

Lajmi është konfirmuar vetëm ditën e sotme nga Home Office.

The Guardian” raporton se shqiptari kishte tentuar të vriste veten rreth një javë më parë në qendrën e emigrantëve të paligjshëm “Brook House”, pranë aeroportit Gatwick.

37-vjeçari Alfred Dosku u dërgua në njësinë e kujdesit intensiv, por fatkeqësisht nuk ka mundur të mbijetojë. Policia, mjeku ligjor dhe avokati kanë nisur hetimet.

Ndërkohë, mediat britanike raportojnë se edhe një tjetër shqiptar ka tentuar të vrasë veten në kampin e emigrantëve të paligjshëm.

Pas tentativës për vetëvrasje, shqiptari i dytë u deportua në atdhe, por u rikthye në mënyrë të menjëhershme në Angli pas një sfide ligjore nga avokati i tij, i cili aplikoi për anulimin e urdhrit të tij të dëbimit. 

Për këto raste është organizuar një protestë në Brook House. Shqiptarët thonë se bashkëatdhetarët e tyre të burgosur po tentojnë vetëvrasjen pasi kanë frikë për sigurinë e tyre për shkak të planeve të afërta për t'i kthyer ata në Shqipëri./ CNA

Lajmet e fundit nga