LEXO PA REKLAMA!

SHKARKO APP

App Store
Google Play

E fundit!

x

Shkoi me shefin e krimeve të shihnin ndeshjen/ Si u arrestua Erzen Breçani

21 Nëntor 2023, 09:56, Kronika CNA
Shkoi me shefin e krimeve të shihnin ndeshjen/ Si u arrestua Erzen
Ish-zv.drejtori i Policisë së Tiranës, Erzen Breçani

Ish-zv.drejtori i Policisë së Tiranës, Erzen Breçani, ra mbrëmjen e djeshme në prangat e policisë.

Ai u arrestua për llogari të SPAK, në sajë të një operacioni që godet një sërë personash me elementë kriminalë, pas zbërthimit të bisedave të të shumëkërkuarit Ervis Martinaj në aplikacionin SKY ECC.

Raportohet se Breçani u kap në flagrancë pranë stadiumit “Air Albania”. Ai ndodhej në shoqërinë e Dedan Gjonit, shefit të Krimeve te komisariati Nr. 6 në Tiranë.

Ish-zyrtari i lartë i policisë dhe Gjoni kishin blerë bileta dhe kishin shkuar të shihnin ndeshjen Shqipëri – Ishujt Faroe, por policia i vuri ata në pranga para se të fillojnë ndeshja.

Ndaj tyre janë ngritur një sërë akuzash. Breçani dyshohet se së bashku me djalin e tij E. B. kanë përkrahur autorin e krimit dhe kanë pastruar para.

Në sajë të operacionit të SPAK janë lëshuar 11 urdhër-arreste, ku është shpallur në kërkim Ervin Mata, ish-partneri i këngëtares Elvana Gjata, i njohur për përplasjen me armë në zonën ish-Bllokut me të shumëkërkuarin Ervis Martinaj.

Ndaj tyre rëndojnë një sërë akuzash nga pastrimi i parave, trafiku i drogës, sigurim kushtesh për të kryer vrasje, shpërdorim detyre dhe përkrahje e autorit të krimit./ CNA

Lajmet e fundit nga