web counter
LEXO PA REKLAMA!

SHKARKO APP

App Store
Google Play

E fundit!

x

“E tërhoqi prej flokësh dhe…”/ Zbardhen detaje tronditëse të krimit në Greqi, shqiptari ishte xheloz

1 Gusht 2022, 10:29, Kronika CNA
“E tërhoqi prej flokësh dhe…”/ Zbardhen detaje
Foto ilustruese

Detaje tronditëse janë zbardhur nga vrasja në Zakynthos, ku një 51-vjeçar shqiptar ka vrarë me thikë gruan e tij.

Sipas mediave greke, autori pas një sherri ka rrahur rëndë gruan e tij 41-vjeçare, dhe më pas e ka goditur disa herë me thikë në gjoks dhe qafë.

Mësohet se krimi i rëndë ka ndodhur pasi gruaja kishte bërë dy padi për dhunë në familje.

E para ishte më 18 qershor, ku më pas bashkëshorti i saj u la i lirë me urdhër të prokurorit që të mos i afrohej deri në 100 metra.

Megjithatë, pas një kohe ai u lejua të kthehej në shtëpi.

Por, ditën e djeshme viktima ka ngritur një padi të re ndaj tij për të njëjtën arsye dhe pas 30 minutash 51-vjeçari i mori jetën.

Mediat greke raportojnë se fqinjët kanë dëgjuar zëra dhe kanë njoftuar policinë, ndërsa viktima u gjet e zhytur në një pellg gjaku në ballkonin e shtëpisë me shumë shenja dhune dhe mavijosje në trup.

Një fqinje ka raportuar gjithashtu për mediat se e ka parë atë duke e tërhequr për flokësh gruan e tij dhe duke i thënë, “do të të vras”.

Çifti ka tre fëmijë, dy të mitur që jetonin me ta në Tsilivi dhe djalin e rritur që jetonte jashtë Zakynthos.

Gruaja punonte në një hotel të zonës dhe autori dyshohet se ka qenë xheloz.

Policia ka nisur hetimet për gjetjen e vrasësit të dyshuar./CNA.al

 





Lajmet e fundit nga