web counter
LEXO PA REKLAMA!

SHKARKO APP

App Store
Google Play

E fundit!

x

Masakroi me thikë bashkëjetuesen/ Arrestohet autori i krimit tronditës

31 Korrik 2022, 13:31, Kronika CNA

Masakroi me thikë bashkëjetuesen/ Arrestohet autori i krimit

Policia ka vënë në pranga autorin e vrasjes së 37-vjeçares në Elbasan.

Pas 24 orësh në kërkim, është vënë në pranga Ramis Mici, i cili masakroi me thikë bashkëjetuesen.

Ngjarja ndodhi ditën e djeshme në lagjen “Skënderbej”, ku 37-vjeçari ka goditur me thikë bashkëjetuesen e tij, shtetasen Jetlira Elezin.

"Kapet autori i dyshuar i vrasjes së 37-vjeçares, ndodhur një ditë më parë. Kapja, nga shërbimet e Komisariatit të Policisë Elbasan, në bashkëpunim me forcat e Posaçme “Shqiponja”.

Shërbimet e Komisariatit të Policisë Elbasan, në bashkëpunim me forcat e Posaçme “Shqiponja”, menjëherë pas ngjarjes së ndodhur një ditë më parë në qytetin e Elbasanit, ku mbeti e vrarë me thikë një 37-vjeçare dhe autori i dyshuar u largua nga vendi i ngjarjes, organizuan punën për kapjen e tij.

Në kuadër të operacionit policor të koduar “Zaranika”, si rezultat i ndjekjes së  pandërprerë gjatë gjithë kohës në qytetin e Elbasanit,  Cërrikut dhe Kuçovës, si dhe informacioneve të marra në rrugë operative,  afër banesës së të afërmve të tij në Elbasan, u bë kapja dhe arrestimi i shtetasit:

-R. M., 37 vjeç.

Ky shtetas ishte shpallur në kërkim, pasi dyshohet si autori i vrasjes së ndodhur më datë 30.07.2022, në Elbasan, ku, në banesë, u gjet e vrarë me mjet të mprehtë (thikë) shtetasja J. E., 37 vjeçe.

Materialet proceduriale do t’i kalohen Prokurorisë pranë Gjykatës së Rrethit Gjyqësor Elbasan, për veprën penale “Vrasja për shkak të marrëdhënieve familjare”", njofton policia./CNA.al





Lajmet e fundit nga