E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

Dalin përgjimet/ Si Klodian Lekocaj që s'kishte lekë për paketë, rekrutonte vrasës me pagesë për 30 mijë euro

27 Dhjetor 2022, 21:44, Kronika CNA

Dalin përgjimet/ Si Klodian Lekocaj që s'kishte lekë

Klodian Lekocaj, i cili paraqitet si një person i cili nuk ka lekë as për paketë, së fundmi mediat greke kanë zbardhur detaje të reja lidhur me këtë personazh të botës së krimit.

Ai rezulton i përfshirë direkt apo indirect ai është i përfshirë në dhjetëra krime prej viteve 2000 në Greqi.

Përveç përfshirjen së tij në vrasjen e avokatit Zafiropoulos, Arbër Bakos, Bardhyl Tushës e disa personave të tjerë, Lekocaj rezulton i përfshirë edhe në vrasjen e Elvis Bogdanit në 2008 si edhe në atë të Ari Papës në 2021.

Gjithashtu emri i Lekocajt është i përfshirë edhe në një hegtim tjetër të policisë greke në 2019, ku rezulton se ai rekruton vrasës me pagesë nga Shqipëria.

Sipas këtij hetimi ai rezulton se ka organizuar një vrasje me pagesë kundrejt një shume prej 30 mijë eurosh, ku viktimë mbeti një shtetas pakistanez në Greqi, i cili ishte i pranishëm në një ngjarje kriminale, dhe kjo ishte arsyeja se përse ai u “hoq qafe”.

Në një telefonatë që Klodian Lekocaj kishte zhvilluar me një shtetas grek 39-vjeçar, i cili ishte i burgosur në burgun Domokos për vjedhje, ai ishte shprehur “Pagesa është 30 mijë euro… është racë pakistaneze”.

Kjo fjali ka dalë nga përgjimet e telefonatave të Lekocajt.

Sipas pazarit 20 mijë euro do i merrte vrasësi me pagesë, ndërsa 10 mijë euro do të ndaheshin mes Lekocajt dhe bashkëpunëtorit të tij grek.

Gjithashtu Klodi dëgjohet duke thënë se kishte mbetur keq për “gishta”, pra për vrasës me pagesë dhe i kërkoi grekut që të ndërmjetësonte, për të gjetur ndonjë person të gatshëm për këto punë.

“Unë pres njerëz që bëjnë të tilla sepse timi është brenda”, i thotë ai.

Nga ndërmjetësimi i grekut dhe një bullgari, Klodiani arriti të gjente një shqiptar, i cili erdhi nga Shqipëria në Greqi për të kryer punën.

Shqiptari kishte kryer edhe më herët vrasje, pasi kishte ekzekutuar një të moshuar në vitin 2013.

Greku dhe bullgari dëgjohen t’i thonë shqiptarit: “Pula është pakistanez, japin 30”, i thonë fillimisht.

Më pas i thonë edhe se porosia është e Klodianit, e madje shqiptari duhet të nxitonte për të vrarë pakistanezin, pasi do të kryente një punë tjetër pas kësaj. “Është ai që hëngri avokatin, që dha urdhrin”.

“Një herë po filloi kjo punë, pastaj janë shumë punë”.

Në një bisedë tjetër telefonike greku dhe bullgari, porosisin shqiptarin, që ta qëllojë në kokë pakistanezin dhe më pas t’a hidhte pistoletën në det.

Përfundimisht vrasësi me pagesë u arrestua teksa transportonte 5 kg marijuanë me anije nga Pireu në Xio për llogari të një të burgosuri në burgun e Korfuzit dhe para së të udhëtonte për Amfisa ku do të merrte pistoletën dhe një zarf me të dhënat dhe fotografinë e viktimës.

Personazhet e tjerë u arrestuan gjithashtu në vitin 2019 nga Anti-Terrori grek e po ashtu kontrolle të rrepta u kryen dhe në burgun e Domokos dhe Korfuzit./CNA.al