web counter
LEXO PA REKLAMA!

SHKARKO APP

App Store
Google Play

E fundit!

x

"Ka pasur luftë mes pozitës dhe opozitës"/ Çfarë interesash politike fshiheshin pas "telenovelës Martinaj"

26 Dhjetor 2022, 19:08, Kronika CNA
"Ka pasur luftë mes pozitës dhe opozitës"/
Ervis Martinaj

Eksperti i kriminalistikës Fatjon Softa e konsideron historinë e Ervis Martinajt si një telenovelë, e cila duhet të marrë fund.

Ai shprehet se Drejtori i Policisë së Shtetit, Muhamet Rrumbullaku duhet të ndryshojë metodologjinë e punës, ku sipas Softës hetimi nuk duhet të fokusohet vetëm tek Martinaj, por edhe tek aktivitetet e tij, duke nisur nga lidhjet me botën e krimit e deri tek marrëdhëniet e tij me politikës, si dhe duhen hetuar edhe personat e afërt të tij.

Më tej ai u shpreh se prapa aktivitetit të Martinajt fshiheshin interesa poltike.

 “Kjo është vërtetë telenovelë. Por janë shumë Martinaj në këtë vend që nuk kanë të njëjtën zhurmë, por kryejnë të njëjtin aktivitet. Gjithçka tjetër që është e nëndheshme qarkullon, lëviz e merret me gjallesa të tjera por është kthyer në telenovelë se krijohen aludime. Prapa aktivitetit që ka pasur fshihen interesa të mëdha. Ka pasur luftë mes pozitës dhe opozitës por zgjidhja e këtij problemi patjetër duhet të jetë sukses i policisë. Gjetja e këtij rasti  nuk është vetëm fiziku por edhe aktiviteti. Duhet të gjenden lidhjet me politikën, me strukturën e policisë, me bizneset e tij, me lojërat e fatit. Pra nuk duhet të përqendrohen hetimet vetëm tek ai, por edhe tek personat që e rrethojnë”, tha Softa në intervistë për ‘Studio Live’ me gazetarin Arbër Hitaj./CNA.al





Lajmet e fundit nga