LEXO PA REKLAMA!

SHKARKO APP

E fundit!

x

Zyrtari i lartë i SHBA: Irani ka përfunduar hakmarrjen ndaj Izraelit

14 Prill 2024, 21:30, Kosova & Bota CNA

Zyrtari i lartë i SHBA: Irani ka përfunduar hakmarrjen ndaj Izraelit

Sulmet e Iranit ndaj Izraelit kanë përfunduar. Kështu raporton media prestigjoze “CNN”, duke cituar si burim një zyrtar të lartë të administratës së SHBA-së.

Sipas “CNN”, Irani i dërgoi mesazhe private SHBA-së, ku i deklaronte se hakmarrja kundër Izraelit, ka përfunduar

"Ne morëm një mesazh nga iranianët, përmes zviceranëve, duke deklaruar në thelb se ata kishin përfunduar sulmet", u tha zyrtari gazetarëve të dielën, duke theksuar se kjo gjë do të ndodhë pas përmbylljes së aksionit të fundit që ata kanë ndërmarrë.

Megjithatë, Irani ka "paralajmëruar" SHBA-në se nëse bashkëpunojnë me Izraelin në veprime të ardhshme, bazat amerikane "nuk do të kenë siguri".

Kujtojmë se mbrëmjen e së shtunës, Irani nisi dronë dhe raketa drejt Izraelit, si kundërpërgjigje e sulmit ndaj konsullatës iraniane në Damask, ku u vranë komandantë të lartë iranianë./ CNA

Lajmet e fundit nga