LEXO PA REKLAMA!

SHKARKO APP

App Store
Google Play

Vrasja e 35-vjeçares në Kosovë/ Kurti: Mizore, e papranueshme

30 Nëntor 2022, 22:15, Kosova & Bota CNA
Vrasja e 35-vjeçares në Kosovë/ Kurti: Mizore, e papranueshme
Albin Kurti

Mbrëmjen e sotme, Kosova është tronditur nga një krim, ku një person ka vrarë ish-bashkëshorten e tij, e cila ishte në prag të lindjes.

Ai e ka ekzekutuar 35-vjeçaren në oborrin e Maternitetit, duke tronditur kështu opinionin publik.

Pas këtij krimi ka reaguar edhe politika. Kryeministri i Kosovës, Albin Kurti, ka reagur me anë të një postimi në "Facebook" ku shkruan se kjo ngjarje është mizore dhe e papranueshme.

“Dy engjëj në qiellin e pistë. Vrasje mizore. U vra edhe një grua. Edhe kjo nga burri i saj. Në oborr të spitalit. Atje ku duhet të shërohen njerëzit. Në oborr të Klinikës Gjinekologjike. Atje ku lindin gratë. U shua një jetë që po sillte edhe një jetë tjetër. Gruaja ishte shtatzënë. Rreth 35 vjeç, as në gjysmë të jetës së saj. E fëmija që ajo donte ta lindte as nuk e filloi jetën. Vrasës mizor. Edhe një burrë që qëllon mbi gruan që duhej ta mbronte. Edhe një burrë që vret një grua. E cila tash është e jona, e të gjithë neve. Bashkë me foshnjen e palindur të saj. Dy qytetarë të Kosovës më pak, dy shqiptarë më pak, do të jenë duke menduar armiqtë tanë. E papranueshme dhe e padurueshme”, ka shkruar në postimin e tij Kurti./ CNA.al

Lajmet e fundit nga