E fundit!

18:26 Politikë

Berisha, porosi krerëve të degëve/ “Hiqni dorë nga protestat e zakonshme, ndërmerrni bllokime”

Mbrëmjen e kësaj të mërkure, ish-kryeministri Sali Ber...

Reagon qeveria e Kosovës për draftin e Asociacionit: Nga Shqipëria presim mbështetje, ndërmjetësues kemi

10 Qershor 2023, 09:07, Kosova & Bota CNA

Reagon qeveria e Kosovës për draftin e Asociacionit: Nga

Zyra e Kosovës ka reaguar në lidhje me propozimin e kryeministrit Edi Rama për draftin e Asociacionit të komunave me shumicë serbe.

Zëdhënësi i qeverisë Përparim Kryeziu është shprehur për këtë çështje nga Shqipëria presin mbështetje, pasi ndërmjetësues kanë shumë.

“Çështja e kryetarëve të katër komunave në veri të vendit është çështje e respektimit të kushtetutës, sundimit të ligjit dhe ofrimit të shërbimeve ndaj qytetarëve tanë, që për shkak të bojkotit të diktuar nga Serbia u kishin munguar për plot 6 muaj. Çështja e marrëveshjeve të mëhershme për asociacionin e komunave me shumicë serbe është çështje e funksionalitetit të shtetit të Kosovës, dhe kjo u dëshmua me draftin e prezantuar nga Ekipi Menaxhues që drejtohej nga deputetja e Vuçiçit që synonte një Republikë Serbe në Kosovë dhe së fundmi me Non-paperin e Akademisë së Shkencave dhe e Artit e Serbisë që flet për "Botën Serbe", tha Përparim Kryeziu, zëdhënës në Qeverinë e Kosovës.

“Në të dy rastet në pyetje është Kosova. Në të dy rastet rreziku është Serbia. Ata që janë të lirë në qëndrime dhe pa ndonjë ngarkesë, e kuptojnë këtë. Nga Shqipëria zyrtare presim mbështetje. Ndërmjetësues kemi shumë”, shtoi ai më tej.

Kryeministri i Shqipërisë, Edi Rama, bëri me dije se u ka dërguar një draft për Asociacionin, presidentit të Francës, Emmanuel Macron, dhe kancelarit gjerman, Olaf Scholz.

Kreu i qeverisë shqiptare tha se dokumenti është konfidencial, por është shprehur i bindur se është “një dokument i nivelit më të lartë ndërkombëtar që merr në konsideratë të gjitha arsyet për krijimin e Asociacionit dhe që Asociacioni është pjesë e organizimit të jetës për Kosovën”.

Rama në një konferencë për mediat i bëri thirrje kryeministrit Albin Kurtit të bashkëpunojë me ndërkombëtarët, të tërheqë nga veriu Policinë e Kosovës dhe të bëhen zgjedhje të parakohshme në 4 komunat.