LEXO PA REKLAMA!

SHKARKO APP

App Store
Google Play

Arrihet marrëveshja për ligjet për azilin dhe migracionin në BE

10 Qershor 2023, 08:54, Kosova & Bota CNA

Arrihet marrëveshja për ligjet për azilin dhe migracionin në

Këshilli i Bashkimit Evropian ka arritur një marrëveshje për ligjet kryesore të azilit dhe migracionit, duke shënuar një hap drejt modernizimit të rregullores së BE-së.

Duke komentuar marrëveshjen e Këshillit për një pozicion negociues për rregulloren e procedurës së azilit dhe për rregulloren e menaxhimit të azilit dhe migracionit, ministrja suedeze për Migracionin, Maria Malmer Stenergard, tha se asnjë shtet anëtar nuk mund të merret vetëm me sfidat e migracionit.

Ajo theksoi më tej se vendet e BE-së duhet të respektojnë regullat e dakorduara dhe vuri në dukje se vendet e vijës së parë, në veçanti, kërkojnë mbështetje të palëkundur, raporton SchengenVisaInfo.com. 

“Asnjë shtet anëtar nuk mund të përballet i vetëm me sfidat e migracionit. Vendet e vijës së parë kanë nevojë për solidaritetin tonë. Të gjitha shtetet anëtare duhet të jenë në gjendje të mbështeten në respektimin e përgjegjshëm të rregullit të rënë dakord. Më vjen shumë mirë që mbi këtë bazë ramë dakord për qëndrimin tonë negociator”, thuhet në deklaratën e ministres Stenergard.

Rregullorja përcakton standarde të përbashkëta për kohëzgjatjen e procedurës si dhe standarde për të drejtat e azilkërkuesve.

Rregullorja synon gjithashtu të parandalojë abuzimin e sistemit duke vendosur detyrime për aplikantët për të bashkëpunuar me autoritetet gjatë gjithë procesit.

Përveç sa më sipër, Këshilli tha se rregullorja e procedurës së azilit synon gjithashtu të përshpejtojë vlerësimin e kërkesave për azil në kufijtë e jashtëm të BE-së.

Këshilli vëren se shtetet anëtare të BE-së duhet të krijojnë një kapacitet adekuat për sa i përket burimeve njerëzore dhe pritjes së emigrantëve.

Rregullorja e azilit dhe migracionit përfshin gjithashtu masa për të shmangur lëvizjet dytësore dhe për të parandaluar abuzimin nga azilkërkuesit. Për shembull, rregullorja përcakton detyrimet për azilkërkuesit për të paraqitur një kërkesë në shtetin anëtar ku ata bënë hyrjen e parë.

 

 

Lajmet e fundit nga