LEXO PA REKLAMA!

SHKARKO APP

App Store
Google Play

Raportuesit e KE-së: Korrupsioni problem kryesor, shqetësim dhe mjedisi mediatik

6 Korrik 2022, 10:45, Kosova & Bota CNA
Raportuesit e KE-së: Korrupsioni problem kryesor, shqetësim dhe
Foto ilustruese

Korrupsioni mbetet problem kryesor në Shqipëri. Në këtë përfundim kanë dalë raportuesit në Asamblenë Parlamentare të Këshillit të Europës, Joseph O’Reilly dhe Asim Mollazada, pas vizitës 3-ditore në vendin tonë.

Në raportin e tyre përshendetet progresi në reformën në drejtësi, por kërkohen rezultate që të jenë të prekshme për qytetarët.

Dy bashkëhartuesit e raportit vlerësojnë zgjatjen e mandatit të organeve të vetingut dhe faktin që institucionet kryesore të sistemit të drejtësisë janë tashmë funksionale, por shprehen se kjo duhet të pasohet me arritje të dukshme kryesisht sa u përket aktakuzave dhe dënimeve për zyrtarë të nivelit të lartë të përfshirë në korrupsion.

Shqetësim mbetet edhe mjedisi mediatik. Duke vlerësuar faktin se qeveria hoqi dorë nga paketa e diskutueshme e antishpifjes, ata kërkojnë që këto amendamente të ligjit për mediat të hiqen zyrtarisht nga procedura parlamentare.

Ndërsa mediave u kërkohet të krijojnë mekanizmat e duhur vetërregullues.

Raportuesit e Këshillit të Europës kërkojnë që opozita të funksionojë dhe të kapërcejë problemet e brendshme që të luajë rolin e saj./euronews 

Lajmet e fundit nga