web counter
LEXO PA REKLAMA!

SHKARKO APP

App Store
Google Play

E fundit!

x

Një bateri uji për kursim/ Nisma e Zvicrës për të ruajtur energjinë elektrike

6 Korrik 2022, 09:37, Kosova & Bota CNA

Një bateri uji për kursim/ Nisma e Zvicrës për të

Zvicra ka ndërmarë një hap të rëndësishëm për të parandaluar mungesën e energjisë elektrike. Ajo do të vendosë në funksion së shpejti një bateri uji me qëllim kursimin e energjisë elektrike.

Kjo bateri uji ka kapacitetin e barasvlefshëm sa 400.000 bateri makinash. Ndërsa termocentrali i depozitimit me pompë u ndërtua në një shpellë nëntokësore në kantonin e Zvicrës.

Kjo bateri falë aftësisë së saj për të ruajtur dhe gjeneruar sasi të mëdha të energjisë hidroelektrike, do të luajë një rol të rëndësishëm në stabilizimin e furnizimit me energji elektrike si në Zvicër ashtu dhe në Europë.

Por çfarë është një bateri uji?

Një bateri uji është një lloj depozitimi i energjisë hidroelektrike dhe është bërë nga dy pishina të mëdha uji të vendosura në lartësi të ndryshme.

Bateria mund të ruajë energjinë e tepërt duke pompuar ujin nga pishina e poshtme me atë më të lartën.

Ndërsa drejtimi i ujit ndryshon në varësi të nevojës për energji elektrike.

Rrjedhja e ujit rrotullon një turbinë, e cila gjeneron energji hidroelektrike. Hidro bateritë janë veçanërisht të dobishme për ruajtjen e energjisë së tepërt të prodhuar nga burime të ndërprera të energjisë si era apo dielli.

Pse Zvicra ka ndërtuar një bateri të tillë?

Termocentrali zviceran, i ndërtuar nga kompania Nant de Drance, është vënë në punë më 1 korrik.

Impianti ka gjashtë turbina me pompë dhe një fuqi totale prej 900 MW, e mjaftueshme për të furnizuar deri në 900,000 shtëpi.

Me një kapacitet prej 20 milionë kwh energji elektrike, shpresohet se bateria e ujit do të luajë një rol të rëndësishëm në stabilizimin e rrjeteve energjetike të Zvicrës dhe Europës.

Sfidat inxhinierike të ndërtimit të një baterie uji

Një bateri uji për kursim/ Nisma e Zvicrës për të

Bateria ndodhet 600 metra nën tokë midis rezervuarëve të Emosson dhe Vieux Emosson në Valais.

U deshën 14 vjet për t'u përfunduar për shkak të sfidave të konsiderueshme logjistike dhe inxhinierike. Ndërsa për të krijuar uzinën, u desh të hapeshin 18 kilometra tunele nëpër Alpe.

Këto tunele mundësonin transportin e materialeve të ndërtimit dhe ndërtesave të parafabrikuara në mal.

Në zemër të uzinës është dhoma e madhe e motorit me përmasa gati 200 metra të gjatë dhe 32 metra të gjerë.

Midis 2012 dhe 2016, lartësia e digës Vieux Emosson u rrit me 20 metra për të lejuar rezervuarët të ruajnë më shumë ujë dhe të krijojnë më shumë energji./ Përshtatur nga CNA.al





Lajmet e fundit nga