web counter
LEXO PA REKLAMA!

SHKARKO APP

App Store
Google Play

Nxori informacione sekrete për Francën/ Gazetarja mbahet 48 orë në qeli

21 Shtator 2023, 20:47, Kosova & Bota CNA

Nxori informacione sekrete për Francën/ Gazetarja mbahet 48 orë

Një gazetare franceze u vu në pranga më 19 shtator nga policia në lidhje me një raportim të saj të vitit 2021, ku pretendonte se inteligjenca franceze ishte përdorur nga Egjipti për të vrarë civilë.

Ariane Lavrilleux u mbaj 48 orë në qeli dhe u mor në pyetje si pjesë e një hetimi për kompromentimin e sigurisë kombëtare.

Forcat policore kontrolluan banesën e gazetares, ndërkohë që kjo ngjarje shkaktoi zemërim në Francë.

Pas daljes nga paraburgimi, mbrëmjen e të mërkurës gazetarja falenderoi personat që e kishin mbështetur.

“Jam e lirë, faleminderit shumë për mbështetjen tuaj”, shkroi ajo në rrjetet sociale, në tre gjuhë, duke e shoqëruar statusin e saj me një grusht para flamurit egjiptian.

Lavrilleux thuhet se u mor në pyetje nga oficerët e policisë nga shërbimi francez i inteligjencës - Drejtoria e Përgjithshme për Sigurinë e Brendshme, ose DGSI.

Nxori informacione sekrete për Francën/ Gazetarja mbahet 48 orë

Raporti i saj i vitit 2021 zbulonte dokumente të fshehta që pretendonin se autoritetet egjiptiane përdorën inteligjencën franceze për të bombarduar dhe vrarë kontrabandistët në kufirin egjiptian-libian midis 2016-ës dhe 2018-ës.

Sipas raportit, forcat franceze u implikuan në "të paktën 19 bombardime" kundër civilëve.

Artikulli u publikua nga Disclose, një faqe interneti franceze e gazetarisë investigative.

Disclose tha se autoritetet franceze nën presidencën e Presidentit François Hollande dhe Presidentit Emmanuel Macron ishin "të informuar vazhdimisht" për zhvillimet nga stafi në "disa departamente ushtarake", por se shqetësimet e tyre u injoruan.

Në kohën e publikimit, Disclose pranoi se raporti përfshinte sekrete të sigurisë kombëtare, por tha se po i ndante ato "në emër të një parimi themelor të demokracisë: të drejtën për informim"./ CNA





Lajmet e fundit nga