web counter
LEXO PA REKLAMA!

SHKARKO APP

App Store
Google Play

Media greke: Erdogan s’i ndal provokimet, ngre akuza për shkelje të hapësirës ajrore turke

1 Korrik 2022, 20:50, Kosova & Bota CNA
Media greke: Erdogan s’i ndal provokimet, ngre akuza për shkelje
Presidenti turk, Rexhep Tayip Erdogan

“Presidenti turk Rexhep Tayip Erdogan vazhdon të provokojë”, kështu shkruan media greke "Protothema", ndërsa i ka kushtuar një artikull përplasjeve në distancë, Turqi-Greqi.

Presidenti turk akuzoi Greqinë për 147 shkelje ajrore të hapësirës ajrore turke duke theksuar se forcat ajrore turke do të përgjigjen.

“Turqia nuk dëshiron të hyjë në luftë me Greqinë, por do të vazhdojë t’u përgjigjet shkeljeve të hapësirës ajrore turke”, ka thënë Erdogan një ditë pas kthimit nga Samiti i NATO-s në Madrid, shkruan media greke.

Gjithashtu Erdogan ka shtuar se nuk ka në plan të zhvillojë një takim me kryeministrin grek Kyriakos Mitsotakis, duke akuzuar Greqinë për shkelje.

“Ata kanë kryer 147 shkelje ajrore në një kohë të shkurtër. Pra nëse jemi fqinjë, nëse jemi miq dhe duam të jetojmë në paqe përse po e shkelni hapësirën tonë ajrore. Kur ju bëni shkelje të tilla atëherë kush është detyra jon? Forcat tona ajrore do të mobilizohen dhe do t’ju japin përgjigjen që meritoni”, u shpreh ai./CNA.al





Lajmet e fundit nga