web counter
LEXO PA REKLAMA!

SHKARKO APP

App Store
Google Play

Mbretëresha e Jordanisë, "shuplakë" Perëndimit: Pse heshtni? Sulmet në Gaza, tronditëse për botën arabe

25 Tetor 2023, 12:51, Kosova & Bota CNA
Mbretëresha e Jordanisë, "shuplakë" Perëndimit:
Mbretëresha Rania e Jordanisë

Mbretëresha Rania e Jordanisë ka akuzuar liderët perëndimorë për një "standard të dyfishtë", sa i përket luftës midis Izraelit dhe Hamasit.

Gjatë një interviste për "CNN", ajo u shpreh se është e zhgënjyer nga reagimi i Perëndimit për sulmet izraelite ndaj popullit në Gaza. Ajo tha se bota perëndimore është në heshtje, ndërkohë që Gaza ka përditë viktima. Sipas saj, nuk u mbajt i njëjti qëndrim kur Hamasi sulmoi Izraelin. 

 “Njerëzit në të gjithë Lindjen e Mesme, duke përfshirë Jordaninë, ne thjesht jemi të tronditur dhe të zhgënjyer nga reagimi i botës ndaj kësaj katastrofe që po shpaloset. Në dy javët e fundit, ne kemi parë një standard të dyfishtë të dukshëm në botë. Kur ndodhi 7 tetori, bota menjëherë  qëndroi pranë Izraelit dhe të drejtës së tij për të mbrojtur veten dhe dënoi sulmin që ndodhi… por ajo që po shohim në dy javët e fundit, po shohim heshtje në botë” , tha ajo për "CNN".

Izraeli ka shpallur një "rrethim të plotë" në Gaza pas sulmeve terroriste të 7 tetorit nga grupi militant palestinez Hamas, i cili kontrollon enklavën bregdetare. Gjithë këtë veprim ushtarak të Izraelit, mbretëresha e cilësoi tronditës për botën arabe. 

“Kjo është hera e parë në historinë moderne që ka vuajtje të tilla njerëzore dhe bota as që po bën thirrje për një armëpushim. Pra, heshtja është shurdhuese dhe për shumë në rajonin tonë, ajo e bën botën perëndimore bashkëfajtore. A na thuhet se është e gabuar të vrasësh një familje, një familje të tërë, me armë, por është në rregull t'i bombardosh për vdekje? Dua të them, këtu ka një standard të dyfishtë të dukshëm. Është thjesht tronditëse për botën arabe”, u shpreh ajo./CNA

 

 





Lajmet e fundit nga