web counter
LEXO PA REKLAMA!

SHKARKO APP

App Store
Google Play

Arrestohet zëdhënësi i Hamasit, kush është Hassan Yousef, i burgosur për 24 vite në Izrael

20 Tetor 2023, 10:38, Kosova & Bota CNA
Arrestohet zëdhënësi i Hamasit, kush është Hassan
Hassan Yousef

Zëdhënësi i Hamasit, Hassan Yousef, u arrestua të enjten gjatë kontrolleve të ushtrisë izraelite në Bregun Perëndimor. 

Yousef u arrestua "me dyshimin se vepronte në emër të Hamasit", tha të premten për "CNN", Agjencia e Sigurisë izraelite, Shin Bet.  

Yousef është një figurë kryesore politike palestineze, që shërben si zëdhënës zyrtar i Hamasit në Bregun Perëndimor dhe mban një vend në Këshillin Legjislativ Palestinez.   

Yousef është arrestuar nga forcat izraelite disa herë dhe ka kaluar gjithsej 24 vjet në burgjet izraelite me akuza të ndryshme për nxitje, hyrje në Jerusalem pa leje dhe se ka qenë anëtar i Hamasit.

Ai ka dhënë deklarata së fundmi në mediat ndërkombëtare, ku ndër të tjera i ka thënë gazetës kanadeze "The Globe and Mail", se mendonte se Hamasi do ishte i përgatitur për të liruar 200 pengjet që po mban, nëse Izraeli bie dakord për një armëpushim 24-orësh për të lejuar ndihmën në Gaza./CNA

 

 





Lajmet e fundit nga