LEXO PA REKLAMA!

SHKARKO APP

Liberalizimi i vizave për Kosovën/ Zykaj: Franca po ndryshon qëndrim

24 Qershor 2022, 19:28, Kosova & Bota CNA
Liberalizimi i vizave për Kosovën/ Zykaj: Franca po ndryshon
Gazetarja Erisa Zykaj

Gazetarja Erisa Zykaj për emisionin “Ballkan”, ka dhënë një lajm të mirë sa i përket liberalizimit të vizave për Kosovën.

Zykaj theksoi se Franca ka ndryshuar qëndrim sa i përket liberalizimit të vizave për Kosovën.

Sipas saj ky ndryshim i Francës vjen në një kontekst më të gjerë gjeostrategjik të agresionit rus në Ukrainë, ku nevojiten përpjekje të shtuara dhe të përforcuara të Bashkimit Europian ndaj Ballkanit Perëndimor.

“Sipas burimeve franceze, Franca konsideron, se tashmë duhet shkuar në drejtim të liberalizimit të vizave për qytetarët e Kosovës me kujdes dhe me garanci të mira (kupto të mjaftueshme) për çështjen e migracionit dhe të sigurisë. Ky ndryshim i Francës vjen në një kontekst më të gjerë gjeostrategjik të agresionit rus në Ukrainë, ku nevojiten përpjekje të shtuara dhe të përforcuara të Bashkimit Europian ndaj Ballkanit Perëndimor. Ndaj, hapat që priten së shpejti janë hapja zyrtare e negociatave të anëtarësimit me Shqipërinë dhe Maqedoninë e Veriut, liberalizimi i vizave për qytetarët e Kosovës dhe dhënia e statusit të vendit kandidat Bosnjë Hercegovinës, duke i kërkuar Komisionit Europian të ndihmojë dhe përshpejtojë procesin e plotësimit të 14 prioritetev nga Bosnja-Hercegovina”, u shpreh Zykaj./CNA.al

Lajmet e fundit nga