LEXO PA REKLAMA!

SHKARKO APP

App Store
Google Play

E fundit!

x

Kompania "Nike" largohet plotësisht nga tregu rus

23 Qershor 2022, 19:02, Kosova & Bota CNA
Kompania "Nike" largohet plotësisht nga tregu rus
Njerëzit duke kaluar pranë një dyqani të mbyllur të "Nike" në Shën Petersburg, Rusi.

Gjiganti amerikan i veshjeve sportive, "Nike", tha se po largohet plotësisht nga tregu rus, tre muaj pasi pezulloi operacionet e tij në vend.

"Nike" tha në një deklaratë më 23 qershor se po u bashkohej markave të tjera të mëdha perëndimore në largimin nga tregu rus, për shkak të pushtimit të paprovokuar të Ukrainës nga Moska.

"'Nike' Inc. mori vendim për t'u larguar nga tregu rus... Dyqanet e 'Nike' u mbyllën përkohësisht kohët e fundit dhe nuk do të rihapen", tha kompania në një deklaratë, duke shtuar se uebfaqja dhe aplikacioni i saj rus gjithashtu do të mbyllen.

Muajin e kaluar, "Nike" tha se nuk do të vazhdojë marrëveshjen e saj të ekskluzivitetit me Grupin Inventive Retail të Rusisë (IRG), shitësi më i madh i produkteve "Nike" në vend.

Në fillim të marsit, "Nike" pezulloi shitjet në internet në Rusi dhe disa ditë më vonë mbylli përkohësisht të gjitha dyqanet në vend, përfshirë ato që operonin me marrëveshje ekskluziviteti.

"Nike" ishte aktive në tregun rus për 28 vjet.

Dhjetëra kompani të mëdha ndërkombëtare nga një gamë e gjerë sektorësh janë larguar nga Rusia që kur nisi luftën kundër Ukrainës më 24 shkurt./rel

Lajmet e fundit nga