LEXO PA REKLAMA!

SHKARKO APP

Afrim Bunjaku shpallet "Hero i Kosovës"

25 Shtator 2023, 13:30, Kosova & Bota CNA

Afrim Bunjaku shpallet "Hero i Kosovës"

Policit të vrarë nga terroristët serbë, Afrim Bunjaku, i është dhënë urdhri “Hero i Kosovës”.

Nderimin e pranuan dy djemtë e policit të ndjerë.

Presidentja Osmani tha me këtë rast se rreshteri policor, Afrim Bunjaku, ra në mbrojtje të rendit, ligjit, integritetit territorial dhe sovranitetit të Republikës së Kosovës.

“Ai ra në mbrojtje të dinjitetit të Republikës sonë. Prandaj sot në emër të qytetarëve do t’i ndaj post-mortem urdhrin më të lartë të Republikës ‘Hero i Kosovës’. Shteti ynë nga sot ka edhe një hero, një kujtim më shumë për një njeri që me profesionalizëm dhe përkushtim iu dedikua mbrojtjes së Republikës për të cilën ra në krye të detyrës”, tha ajo në akademinë përkujtimore.

Osmani tha se Kosova sot po nderon një hero të vërtetë, një rreshter policie trim dhe vetëmohues, i cili sakrifikoi jetën për sigurinë e të gjithë qytetarëve.

Ministri i Punëve të Brendshme të Kosovës, Xhelal Sveçla tha: “Afrim të premtojmë që nuk do ndalemi në mbrojtje të Republikës”.

Ndërsa Kurti u shpreh: "Përkulemi me nderime e respekt si dhe zotohemi për drejtësi”. / CNA

Lajmet e fundit nga