LEXO PA REKLAMA!

SHKARKO APP

E fundit!

x

Shokon Daçiç: Po na provokojnë për luftë, me ç'të drejtë sulmuan serbët në manastir

25 Shtator 2023, 11:18, Kosova & Bota CNA

Shokon Daçiç: Po na provokojnë për luftë, me

Ministri serb, Ivica Daçiç, në një intervistë për televizionin “Prva” ka folur lidhur me situatën në veri të Kosovës.

Daçiç në vend që të ishte kundër paramilitarëve terroristë që iu kundërvunë policisë së Kosovës u shpreh se komuniteti ndërkombëtar po ikën dhe po i lë serbët të pushkatohen nga policia shqiptare.

Madje ai e quan një provokim për luftë.

“Pse nuk e lanë KFOR-in ta zgjidhte?! Po flasin për terroristë... E ndryshuan pak tezën... Në Kosovë e Metohi u vranë qindra policë serbë, kush i sulmonte? Epo terroristët që shkatërruan rendin kushtetues dhe juridik të Serbisë... Komuniteti ndërkombëtar po ikën dhe po i lë serbët të pushkatohen nga policia shqiptare. Nuk është policia e Kosovës, do të ishte sikur të kishte serb në të.” - thekson Daçiç.

Sipas tij ky është fillimi dhe nuk dihet se çfarë do të ndodhë tjetër.

“Ky është epilogu apo vetëm fillimi, kushedi se çfarë do të ndodhë tjetër. Kjo është vazhdimësia e veprimeve të Kurtit dhe çmenduria e tij, që e provokoi gjithë situatën”, thotë Daçiç.

Sipas tij kjo situatë në Kosovë është dëshmi se Albin Kurti ende ka mbështetjen e të fuqishmëve.

“Bëhet fjalë për të gjithë ata që gjakuan duart në agresionin ndaj vendit tonë, thjesht duke vazhduar me atë politikë dhe duke hedhur baza mediatike dhe politike për të mbështetur regjimin e Albin Kurtit. Populli serb ka të drejtë të mbrohet, të shprehë vullnetin e tij politik”, tha Daçiç./ CNA

Lajmet e fundit nga