LEXO PA REKLAMA!

SHKARKO APP

App Store
Google Play

Ngec në “rrjetën” e vettingut gjyqtari i Korçës/ Shkarkohet nga detyra Besnik Shehu

2023-04-06 17:54:00, Vetingu CNA
Ngec në “rrjetën” e vettingut gjyqtari i
Besnik Shehu (në qendër) pas vendimit të KPK-së

Komisioni i Pavarur i Kualifikimit ka shkarkuar nga detyra gjyqtarin e Gjykatës së Korçës, Besnik Shehu.

Vendimi u mor unanimisht nga trupa e kryesuar nga Lulzim Hamitaj, me relatore Valbona Sanxhaktarin dhe anëtare Genta Tafa Bungon.

KPK nuk u bind nga provat e gjyqtarit për pasurinë në vlerën 12.3 milionë lekë dhe ngriti dyshime për një transaksion fiktiv me qëllim justifikimin e burimeve të ligjshme në krijimin e pasurive dhe mbulimin e shpenzimeve.

Ndërkohë, kujtojmë se Besnik Shehu ka hyrë në sistemin e drejtësisë që prej vitit 1995 dhe prej më shumë se dy dekadash punon si gjyqtar pranë Gjykatës së Rrethit Gjyqësor Korçë.

Shehu u bë i njohur për opinionin publik në vitin 2018, pas një njoftimi policie se ishte kërcënuar me jetë për shkak të detyrës. Në 2018-ën, u raportua se gjyqtari u kërcënua nga dy persona që ishin palë për një proces civil. Pas kërcënimit, gjyqtari Shehu ka bërë kallëzim në Komisariatin e Korçës, e cila procedoi me arrestimin e dy personave të dyshuar.

Krahas kësaj, nuk kanë munguar as denoncimet e qytetarëve ndaj gjyqtarit. Në vitin 2017, në emisionin investigative “Stop”, një qytetar denoncoi se gjyqtari Besnik Shehu, më datë 26.01.2010, i hodhi poshtë urdhrin e ekzekutimit, që ishte me vendim gjykate dhe mori masë sigurie “bllokim pronash” ndaj tij.

“Stop”, pas investigimit i cilësoi si skandal veprimet e gjyqtarit. Në të njëjtin emision gjyqtari Shehu është denoncuar edhe në raste të tjera që kanë lidhje me pronat./ CNA.al

Lajmet e fundit nga