web counter
LEXO PA REKLAMA!

SHKARKO APP

App Store
Google Play

E fundit!

x

Vjedhja e opozitës nga Alibeaj

2022-12-24 14:20:00, Politikë CNA

Vjedhja e opozitës nga Alibeaj

Ndodhi në seancën e fundit plenare të Kuvendit për këtë vit.

Opozita iu vodh votimit, iku me vrap nuk mori pjesë, megjithëse kishte premtuar që do të qëndronte dhe do të ishte atje.

Por çfarë ndodhi? Pse u arratis opozita nga misioni i saj për të qenë në seancë dhe për të votuar, kjo edhe për të kuptuar edhe çfarë po ndodh brenda saj.

Së pari opozita ishte e përçarë për avokatin e Popullit dhe për këtë kishte tre palë me tre kandidatë të ndryshëm, për të mos thënë që rrugës doli dhe një palë e katërt.

Berisha po mbështeste publikisht kandidaturën e Altin Goxhajt.

Vjedhja e opozitës nga Alibeaj
Altin Goxhaj

Më pas nga LSI-ja ka qenë propozuar Bledar Dervishaj, ish-këshilltar i presidentit Ilir Meta.

Vjedhja e opozitës nga Alibeaj
Ilir Meta (j) dhe Bledar Dërvishaj

Kandidatura tjetër ishte Ledio Braho i propozuar nga Lulzim Basha.

Vjedhja e opozitës nga Alibeaj
Ledio Braho dhe Lulzim Basha

Ndërsa kandidatura e katërt ishte Dorjan Gjokmarkaj. Ky i fundit ishte kandidati i Enkelejd Albeajt. Kjo na jep edhe qartësinë e situatës çfarë ka ndodhur.

Berisha dhe të tijët ikën nga parlamenti, duke thënë se nuk do të votonin kurrë për Ardian Dvoranin.

Vjedhja e opozitës nga Alibeaj

Të njëjtën qasje pati edhe grupi i Lulzim Bashës, të dyja palët ikën, për të mos ia lënë dopjo fushën në dorë njëri-tjetrin, pasi mund të shkonin në seancë, mund të votohej, njerëzit e Bashës apo Berishës mund të votonin për Dvoranin dhe në finale fatura do t’i lihej palës tjetër.

Vjedhja e opozitës nga Alibeaj

Skema duket se u prish rrugës, ku palët e opozitës ishin përçarë më keq se kurrë.

Gaz Bardhi me një veprim të tij, urdhëron deputetët që të tërheqin firmat nga një pjesë e madhe e emrave që ishin në garë.

Firmat u tërhoqën, por këtu ra dhe një kandidat, ra kandidati i Enkelejd Alibeajt, Gjomarkaj, i cili nuk kishte firmat e nevojshme pra të mjaftueshme për të qenë pjesë e garës.

Dhe incidentet rrodhën një pas një, dhe tashmë kemi një pamje më të qartë, nuk ka më dy grupe në Partinë Demokratike, pra grupi i Bashës dhe grupi i Berishës.

Tashmë po del një grup i tretë, ai është grupi i Alibeajt.

Vjedhja e opozitës nga Alibeaj

Alibeaj po qëndron së bashku me disa deputetë, kundër vendimeve që shpesh i merr Basha dhe që për t’i zbatuar në grup udhëzimin e jep Gazment Bardhi.

Është e qartë tashmë, Enkelejd Alibeaj kërkon pazarin e tij dhe marrëveshjet e tij, duke e njohur veten e tij si kryetar të PD-së në detyrë, kjo pas emrëtimit dhe komandimit që i ka bërë Gazment Bardhi menjëherë pas dorëheqjes së Lulzim Bashës.

Dhe të gjithë e panë se si Enkelejd Alibeaj, luajti për kandidatin e tij për kandidatin e Popullit.

Nga ana tjetër edhe Lulzim Basha luajti për Ledio Brahon, të cilin e donte si avokat të Popullit.

Më tej Berisha u tërhoq, për të mos qenë me të tijët si pjesë e një fature politike, që do të vinte në rast se do të votohej Ardian Dvorani. Dhe kështu të gjitha palët e opozitës, iu vodhën, ikën, e braktisën votimin në Parlament.

Ajo që u lexua qartazi, ishte se tashmë opozita nuk ka dy palë, Berishën dhe Bashën, por ka dalë edhe një faktor i tretë, i cili është Alibeaj me disa deputetë apo me mendësinë e tij se është kryetari legjitim në detyrë i Partisë Demokratike.

Kjo do të sjellë edhe një përplasje tjetër, pasi përveç gjyqit se kujt i takon vula, Bashës apo Berishës, tani do të jetë pretendent kryesor edhe Alibeaj, i cili me sa duket kërkon që të jetë ai pronar i vulës. Kjo është tashmë e dukshme dhe thjeshtë dhe vetëm presim të shohim spektaklin e radhës.

Opozita iku nga votimi pikërisht për këtë arsye, sepse nuk ka më një apo dy, por ka dalë dhe një grupim i tretë që drejtohet nga Alibeaj./CNA.al





13:54 POLITICS

Video- Një tjetër

Seanca maratonë e Kuvendit u mbyll mbrëmjen e djshme, ku p...

Lajmet e fundit nga