Votimi për Avokatin e Popullit/ Berisha: Parlamenti e mbylli vitin në mënyrën më moniste

2022-12-23 12:16:00, Politikë CNA

Votimi për Avokatin e Popullit/ Berisha: Parlamenti e mbylli vitin në

Kreu i Partisë Demokratike Sali Berisha ka folur lidhur me shtyrjen e zgjedhjes së avokatit të Popullit.

Ai u shpreh se qeveria e mbylli vitin në mënyrën më moniste të mundshme, pasi sipas tij kandidaturat ishin mjaft dinjitoze, duke nisur nga Besim Ndertoni tek Altin Goxhaj, e po ashtu ishin edhe juristë të rinj si Dorian Gjokmarkaj dhe Ilir Dervishi.

"Parlamenti e mbylli vitin në mënyrën më moniste. Të gjitha pushtet, përveç kryetarit të Bashkisë së Shkodrës, tani i shkojnë qeverisë.
Të gjithë kandidaturat që ishin në listë për t?u votuar, gjykoj se kjo ishte lista më dinjitoze që është paraqitur ndonjëherë, aty kishte përfaqësues të të përndjekurve politikë, si Besim Ndregjoni, i cili gëzonte mbështetje të gjerë të shtresës së tij dhe një kandidaturë e përkushtuar ditë dhe natë për të drejtat e njeriut ishte dhe veprimtari i shoqërisë civile, Altin Goxhaj. Ishin edhe juristë të njohur, të rinj, përfaqëues të gjeneratës së re si Dorian Gjokmarkaj dhe Ilir Dervishi.
Pra, ishin një numër i konsiderueshëm dhe të gjithë ata u hodhën poshtë vetëm pse Edi Rama nuk pranonte asnjërin prej tyre, përveç atij që donte vetë. Ajo që patë në këtë proces, ishte, do të thosha procesi më i turpshëm, me të cilin Edi Rama haptas kërkoi të pushtojë të vetmin institucion që ai nuk e kontrollon.
Në traditë, të këtij vendi dhe vendeve të tjera, është respektuar parimi i Avokatit të Popullit të emëruar nga opozita."- tha Berisha./CNA.al