Nga Tirana e konfimuar te 'përplasjet' në Fier dhe Vlorë/ Lista e kandidatëve të PS-së për zgjedhjet e 14 majit

2022-12-23 11:03:00, Politikë CNA

Nga Tirana e konfimuar te 'përplasjet' në Fier dhe

Pas 4 vitesh mungesë zgjedhjesh lokale, Partia Socialiste do të futet në një garë të ethshme më 14 maj, përballë opozitës.

Zgjedhjet e shkuara i mori pa shumë mund, për shkak se Lulzim Basha vendosi të bojkotojë zgjedhjet, dhe t’i jepte një fitore në tavolinë Ramës.

Teksa data për zhvillimin e zgjedhjeve po afron, tashmë dihen kandidatët e opozitës, por kurioziteti ka qenë i madh edhe për emrat në listat e PS-së.

Më poshtë janë disa nga emrat që mund të jenë pjesë e garës si dhe disa nga emrat e konfirmuar deri tani.

Tiranë

Erion Veliaj është konfirmuar si kandidati socialistëve në Bashkinë e Tiranës.

Përballë tij do të jetë Belind Këlliçi, i cili fitoi në garën e Primareve të PD-së.

Shkodër

Mendohet se do të kandidojë deputeti Benet Beci, i cili shihet si një figurë që mund të arrijë t’ia japë drejtimin e qytetit socialistëve, duke qenë se është një figurë që gëzon mjaft popullaritet në zonë.

Fier

Në këtë qytet duket sikur ka disa përplasje brenda llojit, ku Armando Subashi kërkon një tjetër mandate si kryetar bashkie. Kjo duket sikur konfirmohet edhe nga largimi i Petro Koçit nga Fierit, pasi do të angazhohet me fushatën në Tiranë.

Kujtojmë se pak kohë më parë Koçi ka adresuar disa akuza mjaft të rënda ndaj Subashit.

Gjithashtu një tjetër figurë e shumëpërfolur për t’u futur në garën e 14 majit, është edhe ish-deputeti Ervin Koçi.

Durrës

Ermijana Sako është një nga figurat e cila aktualisht po përflitet se do të rikandidojë për Bashkinë e Durrësit.

Gjithashtu një figurë me peshë politike dhe mjaft e pëlqyer si Eglantina Gjermeni, po lakohet si një emër që mund të jetë pjesë e listës së socialistëve.

Një tjetër kandidaturë e përfolur është edhe prefekti Emiljano Jani.

Vlorë

Pas përplasjeve me kryetarin aktual Dritan Lali, PS po shqyrton mundësitë që të fitojë më shumë terren dhe të dalë me një tjetër kandidat politik.

Aktualisht emri më i përfolur për t’u bërë pjesë e garës është Ilir Metaj, një figurë e cila gëzon mjaft mbështetje në zonë. Ai ka mbështetje të gjerë, jo vetëm si politikan, por edhe në media si publicist.

Gjithashtu disa emra të tjerë të përfolur janë prefekti aktual Flamur Mamaj si dhe kryetari i ri i PS-së Vlorë, Admir Malaj.

Elbasan

Kryetari aktual Gledian Llahja, ka një probabilitet të madh të rikandidojë në zgjedhjet e ardhshme për kryetar bashkie.

Një tjetër emër i lakuar është edhe Ermira Urupi, bashkëkryetare e PS-së Elbasan.

Gjirokastër

Okulisti Flamur Golemi, është figura e cila me shumë mundësi do të përfaqësojë Partinë Socialiste në garën e 14 majit.

Po ashtu po përfliten edhe kandidatë të tjerë si Odise Kota si dhe ish-kandidatja për deputete në zgjedhjet e fundit Matilda Çela.

Korçë

Në këtë bashki duket se nuk do të ketë ndonjë zhvillim apo surprizë, pasi socialistët do të rikonfimojnë kandidaturën e Sotiraq Filos.

Pogradec

Emri më i lakuar për t’u bërë pjesë e garës për zgjedhjet e 14 majit është Ilir Xhakolli.

Kukës: