web counter
LEXO PA REKLAMA!

SHKARKO APP

App Store
Google Play

U përjashtua nga seanca plenare/ Bardhi luan rolin e ‘viktimës’, justifikohet për fjalorin fyes

22 Dhjetor 2022, 20:42, Politikë CNA

U përjashtua nga seanca plenare/ Bardhi luan rolin e

Deputeti i grupit të Lulzim Bashës, Gaz Bardhi ka reaguar pas përjashtimit të tij nga seanca plenare e  Kuvendit si pasojë e përplasjes me kryeministrin Edi Rama.

Deputeti i grupit të përçarësve iu drejtua Ramës me fjalor fyes duke e quajtur atë legen çfarë solli dhe vendimin e kryetares së kuvendit  për përjashtimin e tij.

Ai ka luajtur rolin e viktimës duke ia hedhur fajin Ramës për fjalorin që ka përdorur pasi pretendon se kreu i qeverisë ka  shantazhuar deputetet për të votuar të preferuarin e tij, Adrian Dvoranin.

“Shqetësimi që ngrita sot në Parlament është shumë serioz. Dhe për shkak se është i vertetë kjo solli shpërfytyrimin e Kryeministrit, i cili prej denoncimit që bëra, kaloi në një gjendje robotike, ku vetëm nxirrte fyerje teksa hapte e mbyllte shishen e ujit pavetëdijshëm.

Fakti është se oligarket e tij, dhe të fortet që ka nën hyqem, kanë tentuar fillimisht të joshin, më pas të shantazhojnë deputetë e deputete për të siguruar vota për të dërguar Dvoranin në Kushtetuese. Kjo është shumë e rëndë. Tregon gjendjen e shtetit dhe demokracisë kur po hyjmë në vitin e 10 të qeverisjes së Ramës.

Çfarë bënte më shumë Cosa Nostra në Itali?! Ja këtë bënte. Caktonte gjykatësit e zyrtarët e lartë përmes lidhjeve politike e presionit.

Kjo është drama e ketij vendi, jo fyerjet e Ramës, apo perjashtimi im nga seanca.

Dhe, më thoni ju, si mund t'i drejtohem ndryshe, perveçse mafioz, kur ai vetë është në dijeni të plotë të këtij operacioni. Madje, bëhet nën kujdesin e posaçëm të Kryeministrit, siç ai ka qejf ti emërtojë eventet”, tha ai./ CNA.al





Lajmet e fundit nga