web counter
LEXO PA REKLAMA!

SHKARKO APP

App Store
Google Play

“Rama shkeli parimet e OSBE-së me premtimin e pagave”/ Bylykbashi “i tërheq veshin” KQZ-së

2023-03-30 16:14:00, Politikë CNA
“Rama shkeli parimet e OSBE-së me premtimin e pagave”/
Nënkryetari i PD-së, Oerd Bylykbashi

Kryeministri Edi Rama premtoi dje rritje pagash dhe pensionesh.

Ndonëse kryeministri pretendon se nuk ka shkelje të ligjit, nënkryetari i PD-së, Oerd Bylykbashi, kundërshtoi kreun e qeverisë dhe e cilësoi premtimin jo vetëm si shkelje të Kodit Zgjedhor, por edhe të parimeve të OSBE-së.

“Është shkelje flagrante e parimeve të OSBE-së për zgjedhje demokratike. Ata nënvizojnë parime që zgjedhjet janë normale për të gjithë. Shteti ndahet nga partia në pushtet që të garantohen kushte të barabarta për të gjithë në garë. Në një nga raportet më të fundit del si problem parësor përdorimi i burimeve shtetërore në zgjedhje. Kjo që flasim është shkelje brutale e kryeministrit. Mjafton edhe një premtim i kryeministrit për t'u cilësuar si shkelje”, u shpreh ai në një intervistë me Ola Brukon.

Bylykbashi komentoi edhe qëndrimin e kreut të KQZ-së, Ilirjan Celibashi, për të cilin pretendon se zhbën Kodin Zgjedhor.

“Me sa kuptova unë qëndrimi i KQZ-së zhbën Kodin Zgjedhor. Kushtetuta shqiptare nuk njeh termin qeveri, por qeverisje. Dispozita e Kodit është e përgjithshme dhe aplikohet në të gjitha llojet e zgjedhjeve. Nëse do merrnim interpretimin e KQZ-së për zgjedhjet lokale kryebashkiaku i Tiranës apo një bashkie tjetër mund të bëjnë kasaphanë me burimet njerëzore. Pas zgjedhjeve qeveria në detyrë nuk ka të drejtë të abuzojë me pushtetin dhe të shpërndajë përfitime të ndryshme”, deklaroi nënkryetari i PD-së, teksa bëri një thirrje për KQZ-në.

“KQZ duhet të marrë masa. Mund të ndërhyjë edhe duke gjobitur, por nëse ka një akt duhet edhe ta gjobisë e ta ndalojë. Për sa kohë nuk ka një akt duhet të mbajë një qëndrim të fortë përballë kryeministrit”, nënvizoi Bylykbashi./ CNA.al





Lajmet e fundit nga