web counter
LEXO PA REKLAMA!

SHKARKO APP

App Store
Google Play

Grupit të vulës i ikin kandidatët/ Bylykbashi: Do tërhiqen të gjithë

2023-03-30 15:53:00, Politikë CNA

Grupit të vulës i ikin kandidatët/ Bylykbashi: Do tërhiqen

5 kandidatë për kryetarë bashkish të grupit të vulës janë tërhequr nga gara e zgjedhjeve të 14 majit, ndërsda një tjetër nuk u regjistrua në KQZ.

Këtë gjest të tyre e ka duartrokitur nënkryetari i PD-së, Oerd Bylykbashi, i cili tha se tërheqja e kandidatëve është një shenjë që flluska e ngritur nga Enkelejd Alibeaj nuk mbështetet nga demokratët.

Bylykbashi parashikoi se Alibeajt do t’i tërhiqen të gjithë kandidatët, pasi sipas tij kanë kuptuar që barrën e madhe që kanë ndaj demokratëve.

"Ju e keni vënë re se si po tërhiqen një nga jë kandidatët e Bashës dhe të Alibeajt sepse janë demokratë nga ana tjetër. Shpeshherë e kuptojnë barrën e madhe ndaj demokratëve me të cilët kanë punuar, i kanë mbështetur, kështu që e kuptojnë shumë mirë që betejën e kemi të gjithë bashkë për të luftuar pushtetin vendor të Tiranës. Është shenjë e qartë se e gjithë ajo flluskë që ata u përpoqën të ngrinin është shenjë e qartë që as deputetët e bazës nuk e mbështesin. Kemi një numër personazh me vlerë që e kanë gjykuar të drejtë tashmë që të mos krijojnë ndasi. Po kështu tashmë ne kemi kandidatin që u tërhoq dhe në Krujë, ndërkohë që sot prezantohet kandidati i vetëm që ka opozita për bashkinë e Krujës.

Unë gjykoj që do tërhiqen të gjithë kandidatët. Duhen duartrokitur se janë gjeste individuale apo në grup të cilët ndihmojnë shanset e demokratëve për të ardhur në pushtetin vendor apo për të qeverisur ndryshe. Alibeaj nuk mund të kandidojë as në të gjitha bashkitë se situata është e tillë, nuk ka njerëz as për komisione. Demokratët janë me zemër për të mbështetur ata që janë kandidatët fitues", theksoi ai në një intervistë me Ola Brukon./ CNA.al





Lajmet e fundit nga