“Po luan me zjarrin”/ Berisha thirrje ndërkombëtarëve: Vuçiç po nxit luftë

2022-12-10 21:23:00, Politikë CNA

Kryetari i Partisë Demokratike, Sali Berisha

Kryetari i Partisë Demokratike, Sali Berisha ka reaguar pak minuta më parë për tensionet në veri të Kosovës dhe deklaratën e presidentit serb, Aleksandër Vuçiç.

Me anë të një statusi në rrjetet sociale, Berisha thotë se president serb po luan me zjarrin.

Ai shprehet se deklarimi i Vuçiç për futjen e ushtarëve serbë në Kosovë është thirrje luftënxitëse.

Kreu i demokratëve i bën thirrje ndërkombëtarëve të vendosin Vuçiç sa më shpejt para Gjykatës dhe ligjit ndërkombëtar për genocid dhe krime lufte.

Deklarata e plotë:

Serbomadhi Aleksandër Vuçiç po luan me zjarrin!

Deklarimi i tij për futjen e 1 mijë ushtarëve serbë në Kosovë është thirrje luftënxitëse.

“Kris arma” në veri të Kosovës/ Të shtëna drejt policisë
10 Dhjetor, 20:34

Të dashur miq, Presidenti i Serbomadhisë, Putini i vogël, po i bie këto kohë brirëve të konfliktit të ri në rajon. Paramilitar, forca speciale e tij dhe banda kriminale me mercenarët e Ëagner po bëjnë gjithçka të destabilizojnë veriun e Republikës së Kosovës. Çdo natë vendosin eksplozive, shkrepin breshëri kundër forcave të Policisë së Kosovës që sigurojnë rendin, jetën dhe veprimtarinë normale të banorvë të zonave të Veriut të Kosovës. Këta kriminelë kanë plagosur me armë zjarri anëtarë në detyrë të forvave policore të Kosovës, bllokojnë rrugë dhe djegin makina. E gjithë kjo veprimtari subversive, kriminale e Beogradit ndaj Kosovës udhëhiqet direkt nga serbomadhi Aleksander Vuçiç apo Putini i vogël i cili ka shndërruar Serbinë, sot me shumë se kurrë, në Rusi të vogël në prapavijë shumë të rrezikshme të Rusisë në mbështetje të agresionit të saj barbar ndaj Ukrainës dhe ambicieve të Putinit në Ballkan. Këto ditë Aleksander Vuçiç, vendi i të cilit është në Gjykatën e Hagës si Geobels i Millosheviçit dhe frymëzues dirket i genocidit serb në Bosnje dhe Kosovë, deklarohet për futjen e 1000 ushtarëve serb në Kosovë. De facto ai deklarohet për fillimin e një konflikti të ri në Kosovë. Në këto deklerata luftënxitëse ai mbeshtet jo vetem nga padroni i tij në Kremlin, por edhe nga vasali i tij në Tiranë, Edi Rama i cili është një armik i vërtetë i kombit shqiptar dhe mbrojtes i shpifur i qëndrimit të padronit të tij ndaj Rusisë.

Vuçiç: Do t’i drejtohemi KFOR-it me kërkesë për dislokimin e trupave në Kosovë
10 Dhjetor, 20:17

Duke mbeshtetur në emër të Partisë Demokratike, fuqimisht, autoritet e Kosovës, sovranitetin dhe integritetin e saj territorial, dënoj me ashpërsinë më të madhe përpjekjet e presidentit të serbomadhisë Vuçiç për të ndezur flakët e një konflikti të ri në rajon. Gjithashtu i bëj thirrje komunitetit ndërkombëtar të vendosë atë sa më shpejt para Gjykatës dhe ligjit ndërkombëtar për genocid dhe krime lufte si kusht themelor që të vendoset paqe e qëndrueshme në rajonin tonë. #sb/ B.A. - CNA.al