web counter
LEXO PA REKLAMA!

SHKARKO APP

App Store
Google Play

“Isha pas Berishësnë kur u sulmua”/ Anëtarja e Këshillit Kombëtar: Qëndrimi i tij, frymëzim i jashtëzakonshëm

2022-12-10 16:02:00, Politikë CNA
“Isha pas Berishësnë kur u sulmua”/ Anëtarja e
Kryetari i Partisë Demokratike, Sali Berisha

Sulmi ndaj kryetarit të Partisë Demokratike, Sali Berisha, në hyrje të protestës së 6 djetorit ka marrë një sërë reagimesh.

Së fundmi, këtë sulm e ka dënuar edhe Jola Hysaj, anëtarja e Këshillit Kombëtar në PD.

Hysaj tregoi në emisionin “Stay Tuned” se ka qenë një metër e gjysmë larg kreut të demokratëve në momentin që ai u godit me grusht nga Gerti Shehu.

Ajo deklaroi se mesazhi që dha Berisha me qëndrimin e tij është frymëzim i jashtëzakonshëm.

“Kam qenë 1.5 metra pas Berishës, ishim në ecje me Floriana Garon dhe u shokuam në atë moment, më është dashur kohë të marr veten. U dhanë dy mesazhe, ai i agresorit, dhe ai që dha Berisha.  Nuk kishte arsye pse të ndodhte diçka e tillë, ishim të prirur për një protestë paqësore. Mesazhi që Berisha dha duke vazhduar para dhe duke dalë në podium është frymëzim i jashtëzakonshëm për ne.

Fjalët e para nuk kishin të bënim me të, por me agresorin. Ai tha ndaluni, mos i bini më atij mjerani, pasi goditjet ishin të njëpasnjëshme nuk ishin vetëm nga forcat e sigurisë, por dhe nga qytetarët. Patëm frikë nga reagimi i turmës, pasi nuk mund ta menaxhosh turmën pasi irritohet, por Berisha e ktheu vëmendjen tek ajo për të cilën ishte mbledhur, për t’i treguar të vërtetat e mëdha Evropës.

Është qesharak fakti se në atë moment dhe atë ditë, ishin 16 nivele të sigurisë kombëtare. Masa duhet të ishte absolute. Frika më e madhe e qytetarëve është ajo që i ndodhi Berishës mund t’i ndodhë çdo kujt. Rama për ne politikisht është personi i parë që mban përgjegjësi direkte për atë që ndodhi. Kjo gjë mund t’i ndodhte kujdo që ishte pjesëmarrës në Samit”, theksoi Husaj./ B.A. – CNA.al





Lajmet e fundit nga