web counter
LEXO PA REKLAMA!

SHKARKO APP

App Store
Google Play

E fundit!

x

“Sulmi ndaj Berishës, inskenim mafioz”/ Meta: E ka porositur Rama

2022-12-08 18:57:00, Politikë CNA
“Sulmi ndaj Berishës, inskenim mafioz”/ Meta: E ka porositur
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta, ka folur mbrëmjen e sotme për sulmin ndaj kryetarit të Partisë demokratike, Sali Berisha, në protestën e 6 dhjetorit.

Meta e cilësoi atë si një provokim për të përshkallëzuar dhunën dhe një inskenim mafioz.

“Ngjarje atë ditë ishte pa diskutim që tregoi se jetojmë në një shtet mafioz. U dha një goditje e përshkallëzuar ndaj pluralizmit politik, duke provokuar një rrezik për përshkallëzim të dhunës. Kjo dhunë u evitua falë përgjegjshmërisë së opozitës. Unë dua t’ju siguroj se koha kur Edi Rama bënte axhendën e opozitës ka përfunduar. Axhenda jonë që përputhet me interesin e shqiptarëve do të shkojë deri në fund. Edhe për ata socialistët që e ndjejnë që kjo nuk është rruga e duhur”, u shpreh ai.

Për goditjen me grusht nga Gerti Shehu, kreu i PL-së drejtori gishtin nga kryeministri Edi Rama.

Ai tha në emisionin “Kontrast se ka qenë Rama që e ka porositur këtë sulm.

"Nuk ka patur ide për të krijuar probleme nga opozita. Qeveria ka qenë e vetmja që i ka fryrë idesë së konflikteve, provokimeve. Opozita ka vepruar në mënyrën më paqësore, demokratike. Kështu veproi përgjatë manifestimit. S’kishte qëllim për të krijuar tension të panevojshme, kur Tirana ishte vend i mikpritjes së një samiti. Shqetësimet që ngritëm i kishim në raport me qeverinë tonë. Qëndrim ndaj një vendi që prodhon qytetarë për gomonet e La Manshit. Është një inskenim mafioz, që ngarkon me përgjegjësi Edi Ramën që vuri në direkt në punë makinerinë e propagandës. Vetëm qeveria mund ta vendosë në dispozicion. Të gjithë e kanë të qartë se kush janë autorët dhe në ca shteti jetojmë.

Ngjarja mund të kishte vajtur edhe në drejtime të tjera, sipas atyre që do kishte dëshiruar Rama të reagonte opozita. Autori është vetëm një, Rama është porositësi i këtij atentati kundër Berishës, gjuha  e tij e dhunës dhe gjithë mjetet që ka pasur në dispozicion në mënyrë të paligjshme. Skenar shumë i lexueshëm për ne dhe tashmë i dështuar”, theksoi Meta./ B.A. – CNA.al





Lajmet e fundit nga