web counter
LEXO PA REKLAMA!

SHKARKO APP

App Store
Google Play

Topalli tregon aktivitetin e Berishës/ Çfarë bëri pas sulmit në protestë

2022-12-08 23:00:00, Politikë CNA
Topalli tregon aktivitetin e Berishës/ Çfarë bëri pas
Anëtarja e Kryesisë së Partisë Demokratike, Jozefina Topalli

Anëtarja e Kryesisë së Partisë Demokratike, Jozefina Topalli, ka treguar aktivitetin e kryetarit të PD-së, Sali Berisha, pasi u godit me grusht në protestën e 6 dhjetorit nga Gerti Shehu.

Topalli tha në “Now” me Erla Mëhillin se pavarësisht goditjes, Berisha qëndroi tre orë në këmbë dhe foli para protestuesve. Më pas, ajo rrëfeu se kreu i demokratëve u kthye në seli, ku mbajti edhe konferencë shtypi.

Por edhe pas këtyre aktiviteteve, ajo deklaroi se Berisha nuk iku në shtëpi, por mbajti takime.

“Është një energji, është unik në llojin e tij. Merr gjithë atë goditje brutale dhe ai vazhdon të ecë, qëndron edhe tre orë duke pritur të gjithë folësit që të mbaronin fjalimet e tyre, mban një nga fjalimet më brilante që kishte mbajtur ndonjëherë, kthehet përsëri në godinën e Partisë Demokratike, mban edhe një konferencë shtypi, ka probleme sepse dëmtimi shkon edhe më tej gjatë kohës më pas dhe ngrihet pret miqtë e tij nga Kroacia, ish-presidentin dhe del aty dhe çon në këmbë një sallë me të rinj, tani çfarë do thuash”, nënvizoi ish-kryeparlamentarja./ B.A. – CNA.al





Lajmet e fundit nga