web counter
LEXO PA REKLAMA!

SHKARKO APP

App Store
Google Play

E fundit!

x

“Kris arma” në veri të Kosovës/ Të shtëna drejt policisë

10 Dhjetor 2022, 20:27, Kosova & Bota CNA
“Kris arma” në veri të Kosovës/ Të shtëna
Foto ilustruese

Disa të shtëna me armë zjarri janë regjistruar në veri të Kosovës pak momente më parë.

Mediat raportojnë se disa persona kanë qëlluar me armë në drejtim të policisë, në pikën kufitare të Bërnjakut.

Përmes një njoftimi, Policia e Kosovës bëri të ditur se në vetëmbrojtje, punonjësit janë detyruar t’iu kundërpërgjigjen me armë zjarri autorëve, të cilët janë larguar në drejtim të panjohur.

Nga informacionet paraprake, nuk raportohet për persona të lënduar nga shkëmbimi i zjarrit.

“Persona nga grupe të caktuara kriminale të cilat kanë kryer bllokimin e disa rrugëve në veri të vendit, nga lokacione të ndryshme, në tri raste kanë shtënë me armë zjarri në drejtim të njësiteve policore të cilat kanë qenë në detyrë zyrtare në afërsi të pendës së liqenit të Ujmanit, në rrugën që shpie në drejtim të Pikës Kufitare të Bërnjakut.

Njësitet policore, në vetëmbrojtje janë detyruar t’iu kundërpërgjigjen me armë zjarri personave/grupeve kriminale, të cilat janë zmbrapsur dhe larguar në drejtim të panjohur. Po ashtu bazuar në informacionet e siguruara nga njësitet policore në terren, në disa lokacione të ndryshme, janë dëgjuar po ashtu të shtëna me armë zjarri

Deri më tani nuk ka ndonjë informacion zyrtar për ndonjë person të lënduar apo dëme të mundshme të shkaktuara. Policia e Kosovës mbetet e përkushtuar në realizimin e detyrave dhe autorizimeve ligjore në interes të ruajtjes së sigurisë publike dhe rendit kushtetues”, thuhet në njoftim./ B.A. – CNA.al





Lajmet e fundit nga