web counter
LEXO PA REKLAMA!

SHKARKO APP

App Store
Google Play

E fundit!

x

“Deklarata boshe pas pilafit”/ Murrizi i përgjigjet Nokës: Demokratët e ikur nuk janë renegatë, por rilindas

2025-10-15 10:01:00, Politikë CNA

“Deklarata boshe pas pilafit”/ Murrizi i përgjigjet Nokës:

Ish-deputeti Myslim Murrizi iu është përgjigjur sot deklaratave të Sekretarit të Përgjithshëm të PD-së, Flamur Noka, që i konsideroi si renegatë të gjithë ish-demokratët që janë larguar nga partia.

Përmes një postimi në rrjetet sociale, Murrizi shprehet deklaratat e Nokës janë boshe dhe iu ka ikur koha.

Sipas Murrizit, e vërteta është se anëtarët e PD-së që janë larguar nga partia, nuk janë tradhëtarë të PD-së, por rilindas.

“Nuk kanë faj kur ikin, jo!
Fajin e kanë ata që i marrin dhe i promovojnë në kryesi dhe në kupolën drejtuese të PD-së, pa meritë, pa kontribute dhe pa i njohur fare demokratët – duke shkelur me këmbë kontributin e mijëra demokratëve për këta bastardë e lavire politike që bredhin nga një prehër në tjetrin.

Nuk janë renegatë, o Flamur, jo! Janë rilindas!
Renegatë dhe qelbësira janë ata që i kanë sjellë aty, duke shtyrë me shkelma mijëra të tjerë në çdo cep të Shqipërisë.

Si ka mundësi që vetëm PD-së t’i dalin kaq shumë “renegatë” në 35 vite?!
I gjithë KOP-i doli “renegatë” dhe shkuan të gjithë tek... gopi.
Në shtator 2021, dolën “renegatë” të gjithë liderët e sotëm të grupit parlamentar dhe shumica dërrmuese e kryesisë.

Ndër vite, “renegatët” sezonalë u janë paraqitur demokratëve si “asete” të çmuara, plot “vlera” dhe “qytetari”, duke i sjellë nga ana e anës e nga gopi i s’emës, në pushtet dhe parti – e më pas u thuhet demokratëve: “Na dolën renegatë!”.

Kur dëgjova çfarë “meritash” iu dhanë para pak ditësh kandidatit të Lapaj-Shehut për Bashkinë e Tiranës nga z. Berisha, u shtanga! Fjalë të tilla rrallëherë i kam dëgjuar nga goja e Berishës, edhe për të ndjerin Azem Hajdari apo Arben Broci – dhe ato, vetëm pas vdekjes! Thashë me vete: sa me fat dhe plot magji qenka z. Binaj!

Prandaj, mos na hapni barkun me deklarata boshe pas pilafit!
Lërini renegatët, por mos urreni dhe mos shtyni me këmbë demokratët!”,-shkruan Murrizi./CNA

 

 





Lajmet e fundit nga