Iliri nga Meta tek Metaj dhe partia e tij nga e LSI-së tek e Lirisë

2022-10-29 19:26:00, Politikë Bleart Dyrmishi

Iliri nga Meta tek Metaj dhe partia e tij nga e LSI-së tek e Lirisë

Kryetari i Partisë së Lirisë, Ilir Meta

Në fakt kam menduar se është i vetëdijshëm për farsën që bën prej shumë e shumë vitesh me lojën e zgjedhjeve në partinë e tij. Por, e kam justifikuar duke arsyetuar se e bën dhe e pranon farsën si të tillë për ta shitur aq sa mund t’i ecë në publik, si një procedurë qoftë edhe formalisht të vlefshme për të qorrollepsur të tjerët. Mirëpo, teksa po e shihja sot në një gjasmekonventë në një gjendje pothuaj orgazmike prej masturbimit kolektiv të atyre që i kishte mbledhur nga çfarë i kanë mbetur prej ish LSI-së, u binda që Ilir Meta/Metaj e beson realisht farsën e tij.

Pa asnjë motiv real përveç ambicies së tij për të mbetur sërish në skakierën politike ku sot gjendet edhe me i damkosur si një spiun ordiner, Iliri që na shfaqet prej Metës te Metaj, mban mbi shpinë si askush tjetër në politikën shqiptare damkën e njeriut me bllok në xhep si një taksidar ordiner, teksa vendoste e vilte gjobat e pushtetit të tij prej servilëve e hajdutëve që emëronte në të gjitha nivelet e pushtetit.

Ministritë që drejtonte LSI dhe drejtoritë me shumicën e drejtorëve hajdutë të saj identifikohen të gjitha në bllokun e Ilirit, që në atë kohë përdorte mbiemrin Meta.

A mund të fitohen zgjedhjet duke bashkëpunuar me një spiun?
27 Tetor, 15:49

Njëra prej ministrive, ajo e mjedisit i ka të dy titullarët e saj në burg dhe nën akuzë për sferën e inceneratorëve. Por megjithatë, pavarësisht kostove që po paguan Lefter Koka kush mund ta besojë se Teri i ka vënë ato firma pa bekimin paraprak të Metës, po aq sa edhe pa çuar te Meta “taksën” e partisë.

Mirëpo, ai ishin më pak ministritë e tjera?

Atje ku ministër ishte Haxhinasto zullumet jo vetëm me rrugët tregohen edhe sot si proverbiale, por vetëm Meta dhe Monika e dinë se sa u shpenzuan që pas arrestimit të Dash Xhikës i cili qe drejtori i përgjithshëm i rrugëve, të mos përfundonte në pranga edhe ministri i tij. Kjo mbetet një histori për t’u zbardhur dhe me siguri SPAK-ku ka se çfarë të zbulojë.

Iliri me mbiemrin Meta u akuzua nga Dritan Prifti i ndjerë, u filmua si një hajdut dhe trafikant infulence me bllok në xhep, u akuzua se donte të vriste dy ish deputetët Tom Doshi dhe Mëhill Fufi, u pa teksa ulëriste dhe bërtiste si një i sëmurë përgjatë gjithë kohës që ishte në detyrën e Presidentit të Republikës, për të mbetur padyshim Presidenti më qesharak dhe i urryer.

Ilir Meta, kanceri që po gërryen Partinë Demokratike
28 Tetor, 19:24

Ndersa Iliri me mbiemrin Metaj, na vjen si njeriu që spiunonte shoket e klasës dhe i vinte ata nën përgjim si një iformator i Sigurimit të Shtetit, por na vjen edhe si shembulli më i shëmtuar i njeriut që më e pakta nuk ndjen turp për gjithë sa ka bërë.

I paturp dhe qesharak madje, Iliri që na vjen nga Meta tek Metaj u shfaq edhe në konventën farsë, e cila e zgjodhi sot edhe formalisht për kryetar këtë spiun të Sigurimit të Shtetit me një tufë të mjerësh që mbushën sallën e Kishës Ortodokse, ku përveç fytyrave të njohura dhe pa asnjë mbështetje në publik sepse njihen si te pavlerë si Vasili, Haxhinasto, Panariti, Neshomavria, Braimllarët të dy e një tufë leshkosh të tjerë shoqëruar edhe me trafikantë droge të dënuar si të tillë nga gjykatat e vendit, u shfaqën edhe ato të tjerat, ish deputetet që të mbetura pa punë sepse o janë të pashkolla ose të pazonja, presin që t’i risjellë në pushtet spiuni kryetar, i cili ka zgjedhur t’i bëhet aleat të damkosurit te SHBA, nongratës Sali Berisha.

Kësisoj, partia e tij që na vjen nga e lësëisë në e lirisë, do të mbetët në histori si partia e spiunëve të Sigurimit, prej se kryetari i saj është spiuni me inicialet I.M.