web counter
LEXO PA REKLAMA!

SHKARKO APP

App Store
Google Play

E fundit!

x

Ilir Meta te McGonigal dhe nepotizmi në PL

2024-04-18 12:23:00, Politikë CNA
Ilir Meta te McGonigal dhe nepotizmi në PL
McGonigal, Ilir Meta dhe Dorian Duçka

Sot kreu i Partisë së Lirisë ka publikuar një video duke shkuar për në Lezhë. Një video ku në një mjet ai thotë se në timon ndodhet Petrit Sinaj, Sekretari i Pushtetit Vendor në PL. 

Petrit Sinaj është ish-kryebashkiaku i Beratit nga LSI-ja dhe Ilir Meta e reklamon si Sekretar të Pushtetit Vendor, qartazi duke kundërshtuar ata që ka thënë dje në konferencë shtypi. 

Ilir Meta te McGonigal dhe nepotizmi në PL
Petrit Sinaj

Meta tha dje se do të pastronte LSI-në dhe PL-në nga nepotizmi, nga çiftet që ishin në Këshillin Drejtues, apo familjarët dhe lidhjet e tjera nepotike. Kështu largoi edhe bashkëshorten e tij, Monika Kryemadhi, po largon edhe të tjerë persona për lidhjet e tyre të ngushta në Partinë e Lirisë, ish-LSI-në. 

Në fakt nepotizimin e ka me vete. Ilir Meta shoqërohet nga nepotizmi duke udhëtuar për në Lezhë sepse Petrit Sinaj është bashkëshorti i kushërirës së parë të Ilir Metës.


A është nepotizëm ky, të marrësh dhe të emërosh burrin e kushërirës së parë, Sekretar të Pushtetit vendor, ta vendosësh kryetar bashkie dhe ta reklamosh? Ndërkohë nga ana tjetër del dhe thua se duhen lënë jashtë ata që janë lidhje nepotike brenda partisë. Çfarë i thotë kësaj Ilir Meta?

Edhe për ta sqaruar më tej, duke qenë se dje përmendi edhe dosjen McGonigal dhe ngriti gënjeshtra për kreun e SPAK, Altin Dumani se ishte takuar me këtë të fundit. 

Personi që ndodhet në timonin e Ilir Metës, sekretari i Ilir Metës, burri i kushërirës së parë, është kunati i Dorian Duçkës, njeriu që shoqëronte McGongal në Tiranë, njeriu që është thirrur në SPAK dhe është në hetim në lidhje me dosjen McGonigal. Është personi A dhe B, është Agroni dhe Dorian Duçka në dosjen hetimore të kryer nga FBI-ja dhe prokurorët e SHBA-së. 

Dorian Duçka është kunati i Petrit Sinës, pra është vëllai i kushërirës së parë të Ilir Metës. Është thjesht dhe vetëm kushëriri i parë i Ilirit, këtë gjë e dinë të gjithë. 

Pra, Ilir Meta po udhëton drejt Lezhës me nepotizimin e tij dhe në timon ka kunatin e Dorian Duçkës, kushëririt të parë të Ilir Metës. 

Pra qartazi në makinë është McGonigal vetë, nepotizimi vetë dhe në krye të tyre qëndron Ilir Meta./CNA 





Lajmet e fundit nga