web counter
LEXO PA REKLAMA!

SHKARKO APP

App Store
Google Play

Hetimet ndaj Berishës/ Deklarata e fortë e deputetit gjerman: S’bëhet fjalë për krime kavalieriteti, akuzë e fuqishme nga ana e SPAK

2023-10-28 11:41:00, Politikë CNA
Hetimet ndaj Berishës/ Deklarata e fortë e deputetit gjerman:
Deputeti gjerman, Gunther Krichbaum

Deputeti gjerman, Gunther Krichbaum i CDU/CDU ka bërë sërish deklaratë të fortë për hetimet ndaj ish-kryeministrit Sali Berisha nga SPAK. 

Në një deklaratë për mediat  zyrtari gjerman nënvizoi se Berisha aktualisht është nën një akuzë të fuqishme nga ana e SPAK. 

Sipas tij në këtë rast, nuk bëhet fjalë për krime kavalieriteti, por për akuza penale. 

“Më duhet të them se nuk jam takuar vetëm me Lulzim Bashën, por jam takuar dhe me pjesëtarë të tjerë të KE, si me Jorida Tabakun. Jemi në kontakt me njëri-tjetrin. Edhe me përfaqësues të krahut të Berishës kam pasur takime dhe takohem. Më vjen keq që PD është e ndarë në këtë moment. Është me rëndësi dhe aspekti tjetër, botëkuptimi i qeverisë. Që të kemi një PD të fortë shpresoj. Sa i përket zotit Berisha, tani është nën akuzë të fuqishme nga ana e SPAK. Fillimisht për secilin të akuzuar, ekziston prezumimi i pafajësisë, deri sa pafajësia të dëshmohet në gjykatë. Akuzat janë të forta. Këtu bëhet fjalë për procese që përfshijnë prona të caktuara. Amerika e ka shpallur non-grata. Unë të takohem me njerëz të cilët para se unë të takohem me njerëz, do të doja të mos kishim akuze konkrete. Nuk bëhet fjalë për krime kavalieriteti, por për akuza penale. Jam jurist për nga formimi, por parimet e shtetit ligjor janë pjesë e formimit të një partie. Nëse një parti është e gjykimit që do të duhet të kishte një kryetar tjetër", u shpreh ai. 

Deputeti përmendi edhe më tej edhe çështjen e drejtimit të Partisë Demokratike. Ai theksoi se përzgjedhja duhet të bëhet përmes procedurave të rregullta. 

"S’kam mundur ta shoh procesin ndaj Berishës. Ai ka përshtypjen se thotë; jam kryetar i partisë. Se kujt i takon partia, do të duhej të bëhej përmes procedurave të rregullta. Partia do të duhet të jetojë procese të rregullta, ndaj PD do të duhej të sqaronte rrethanat. Unë thjesht këshilloj. Njerëzit në një vend presim që një parti të zgjidh problemet e veta por edhe të njerëzve. Në fund të ditës, qytetarët thonë; nëse një parti nuk zgjidh problemet e veta, nuk mund të zgjidh dhe problemet tona. Uroj për PD çdo të mirë. Do të ketë mbështetjen e europianëve, ne do të ndërmjetësojmë në këtë pikë. Por mendoj se një nga sfidat më të mëdha, do të duhej të kishte parti të forta. Kjo është sfidë e madhe. Kjo është një procedurë e pavarur e gjyqësorit, ndaj nuk duhet të përfshihet politika.”, tha deputeti./CNA

 





10:51 POLITICS

Përurohet sheshi

Kryeminstri Edi Rama përurori sot në Dropull bustin e ...

Lajmet e fundit nga