web counter
LEXO PA REKLAMA!

SHKARKO APP

App Store
Google Play

E fundit!

x

Gazifikimi i Korçës/ Rama: Kemi bërë gati financimin, projekti do të nisë shumë shpejt

2023-05-01 20:31:00, Politikë CNA
Gazifikimi i Korçës/ Rama: Kemi bërë gati financimin,
Kryeministri Edi Rama

Në nëntor të 2022-shit, zv.kryeministrja dhe ministrja e Energjetikës, Belinda Balluku, njoftoi se Azerbajxhani do të bëjë ekspertizë për gazifikimin e vendit duke nisur nga Korça.

Për këtë projekt ka folur mbrëmjen e sotme në Korçë kryeministri Edi Rama, i cili mbajti një takim me gratë në këtë qytet, në kuadër të zgjedhjeve të 14 majit.

Rama tha se financimi për gazifikimin e Korçës është bërë gati dhe projekti do të nisë shumë shpejt.

“Ne jemi duke punuar me qeverinë e Azerbajxhanit dhe projektin e parë i cili po finalizohet dhe për të cilin është gati edhe financimi, është projekti i ndërtimit të sistemit të furnizimit me gaz për ngrohje të të gjitha shtëpive të Korçës.

Ky është një lajm i mirë për pyjet, për shëndetin. Patjetër që ky është një lajm shumë i mirë për të gjithë biznesin, hotelerinë. Ky nuk është një projekt që do nisë pas shumë vitesh, por shumë shpejt, bashkë me të tjera projekte që i kemi përgatitur.

Këtu besoj është e kotë të flasim për garë dhe kundërshtarë por për çfarë do bëjmë më tutje. Korca është bashkia që në dekadën e fundit ka pasur zhvillimin më të madh ekonomik dhe social pas Tiranës”, theksoi kreu i qeverisë./ CNA.al





Lajmet e fundit nga