web counter
LEXO PA REKLAMA!

SHKARKO APP

App Store
Google Play

E fundit!

x

Berisha, takim me Kryesinë e PD në Pogradec/ Zbulohet misioni i demokratëve

2022-08-25 19:10:00, Politikë CNA
Berisha, takim me Kryesinë e PD në Pogradec/ Zbulohet misioni i
Kryetari i Partisë Demokratike, Sali Berisha, në takim me Kryesinë e degës së PD-së në Pogradec

Kryetari i Partisë Demokratike, Sali Berisha, ka folur sot për takimin me Kryesinë e degës së PD-së në Pogradec, që është mbajtur pasditen e sotme.

Në një prononcim për mediat, Berisha tha se çdo demokrat dhe shqiptar ka mision rrëzimin e qeverisë së Edi Ramës, i cili pretendon se ka vrarë votën e lirë.

"Shtrova para tyre misionin e madh që ka sot çdo demokrat e demokrate, që ka sot PD-ja, për të shpëtuar Shqipërinë nga një armik i vërtetë i lirisë së shqiptarëve i cili ka përqendruar në duart e tij duke dhunuar votën.

Më 25 prill, garë midis shtetit elektoral dhe subjekteve të tjera, që do të thotë se nuk ishte garë elektorale.

I lëmë mënjanë tonelatat me euro krimi që u përdorën për të blerë vota, bandat për të ushtruar terror, marr faktin e shtetit si parti elektorale.

Pushteti i Ramës i përqendruar sot 10 për qind më shumë se sa në 91-shin tek Ramiz Alia, është një pushtet i rrezikshëm i cili ka shndërruar makinerinë shtetërore në një makineri gjigande mashtrimi për qytetarët.

Plaçkitje e grabitje ndaj qytetarëve. Demokratët janë para një misioni historik edhe më të rëndësishëm se në 91-shin për të shpëtuar Shqipërinë nga ky regjim monist i një njeriu që e ka shpallur veten armik i egër i votës së lirë”, nënvizoi kreu i PD-së./ B.A. – CNA.al





Lajmet e fundit nga