web counter
LEXO PA REKLAMA!

SHKARKO APP

App Store
Google Play

E fundit!

x

SPAK nisi hetimet për Metën/ Berisha paralajmëron Ramën: Je i pashpresë!

2022-08-24 22:14:00, Politikë CNA
SPAK nisi hetimet për Metën/ Berisha paralajmëron Ramën: Je
Ish-kryeministri Sali Berisha

Ish-kryeministri Sali Berisha ka reaguar ashpër ndaj kryeministrit Edi Rama, pasi SPAK ka nisur hetimet ndaj ish-presidentit Ilir Meta.

Berisha ka renditur disa nga ato të cilat ai i quan vjedhjet e Qeverisë dhe ka ngritur akuzat se janë pikërisht këto që e kanë bërë Ramën të sulmojë Metën.

Me anë të një statusi në rrjete sociale, ai paralajmëron kreu e qeverisë se është i pashpresë dhe nuk do mund ta shpëtojë dot asgjë nga ndëshkimi i rëndë popullor.

“Edi Rama, je i pashpresë!

Këto javët e fundit, i tmerruar nga fati i afërt që e pret për vjedhjet e mëdha që u ka bërë shqiptarëve, gjykimi dhe ndëshkimi popullor për vjedhjet e mëdha me aferat e djegësve, portit të Durrësit, Butrinit me prokurimet sekrete, PPP, bordet e çmimeve stratosferike dhe aferat e tjera që mbajnë firmën e tij, Edi Rama ka shkrirë në një të vetëm Shërbimin Informativ, Komisionin e Dosjeve të Sigurimit të Shtetit, SPAK-un e partisë dhe i ka shndërruar në aneks të zyrës së tij.

Me qëllimin e vetëm fabrikimin, falsifikimin, manipulimin e paskrupullt të pseudo-fakteve, pseudo-dokumenteve për kundërshtarët politikë, në rastin konkret kundër kryetarit të Partisë së Lirisë, Ilir Meta.

Duke dënuar me forcën më të madhe këto akte të shëmtuara të regjimit mafioz të Edi Ramës, të bazuar në dhunimin e votës së qytetarëve, vjedhjen e papermbajtur te pasurive dhe fondeve publike, drogën  dhe krimin, i them vasalit të Aleksandër Vuçiç-it se je i pashpresë dhe se, nuk ka manipulim, shpifje apo falsifikim as dhe ligj i votuar nga mazhoranca kallpe që do të shpëtojë ty nga ndëshkimi i rëndë popullor.

Ti dhe shteti yt mafioz njëpartiak do të keni fundin e merituar! Sb”, shkruan Berisha./ B.A. – CNA.al





Lajmet e fundit nga