web counter
LEXO PA REKLAMA!

SHKARKO APP

App Store
Google Play

Berisha nuk kursen Bashën: Bën pazare me Ramën, dënoi PD-në

2024-01-27 19:46:00, Politikë CNA
Berisha nuk kursen Bashën: Bën pazare me Ramën, dënoi
Ish-kryeministri Sali Berisha

Ish-kryeministri Sali Berisha, gjatë takimit me mbështetësit e tij pasditen e sotme, nuk ka kursyer Lulzim Bashën.

Berisha deklaroi se Basha kyçet në pazare të përnatshme me Ramën dhe se e dënoi PD-në me qëndrimet që ajo kurrë nuk do t’i merrte.

Sipas Berishës, Basha me qëndrimet e tij i lehtësoi Ramës operacionin makabër të zëvendësimit të shtetit ligjor me narkoshtetin.

“Në gjithë këtë dramë, diktaturën nuk e sollët ju, përkundrazi ju jeni burra dhe gra që gjatë këtyre 10 viteve, mbështetët me të gjithë forcën tuaj, me të gjithë energjitë, idealet, mundësitë tuaja, pluralizmin, votën e lirë, vlerat e vërteta të një shoqërie të lirë. Mbështetët interesin kombëtar.

Por nuk mund të mohohet se drejtimi juaj, se ai që sot kyçet në pazare të përnatshme me Edi Ramën, dënoi PD-në me qëndrime që ajo kurrë nuk do mund t’i merrte. Me qëndrimet, të cilat e lehtësuan Edi Ramën në operacionin e tij makabër të zëvendësimit të shtetit ligjor me narkoshtetin.

Operacione të cilat zhdukën besimin e shqiptarëve se Shqipëria mund të bëhet. Në këtë kontekst, është në detyrën e çdo demokrati, të shumëfishojë përpjekjet, të dalë në ballë të betejës, t’u rikthejmë shqiptarëve të drejtën e votës së lirë. Të çojmë Shqipërinë drejt fitores.

Ne kemi përpara njeriun më të diskriminuar.  Kemi përpara kryeministrin më të korruptuar të Europës.

Kemi përpara kreun e organizatës më të shëmtuar kriminale. mKemi përpara ortakun e McGonigalit, ortakun e Pëllumb Gjokës, ortakun e Behar Bajrit.

Ndaj dhe ftoj shqiptarët, ftoj demokratët kudo që janë të ngrihen, të bashkohen me ju në këtë betejë vendimtarë për fatin e Shqipërisë, rivendosjen e pluralizmit, rivendosjen e dinjitetit njerëzor, rivendosjen e interesit kombëtar, e shpresës dhe besimit, fitores së Shqipërisë dhe shqiptarëve”, tha Berisha./ CNA





Lajmet e fundit nga