web counter
LEXO PA REKLAMA!

SHKARKO APP

App Store
Google Play

Berisha “i nxjerr të palarat” qeverisë/ Si po përfiton nga rritja e çmimeve

2022-06-30 18:57:00, Politikë CNA
Berisha “i nxjerr të palarat” qeverisë/ Si po
Kryetari i PD-së, Sali Berisha

Kryetari i PD-së, Sali Berisha, ka hedhur sërish akuza ndaj qeverisë lidhur me rritjen e çmimeve.

Gjatë një takimi me gratë e LDGSH-së, Berisha tha se paratë që shtohen në buxhetin e shtetit nga rritja e çmimeve, qeveria ia jep atyre që kanë marrë tenderat.

Ish-kryeministri pretendon se qeveria po ndan paratë me ata që marrin tenderat, duke marrë përqindje nga to.

"Vlera që paguhet në çdo njësi, me dyfishin e çmimit, është pothuajse dyfish dhe me këto para në vend se të ndihmohen në mënyrë thelbësore qytetarët, në vend se të lehtësohet problematika e tyre, këto para i kalojnë atyrë që kanë marrë tenderat me 99.9%, atyre që kanë marrë tenderat me çmimet maksimale. Çmimet maksimale përdoren vetëm e vetëm duke ndarë para. Unë të jap ty tenderin me 99.9%, por ti do më japësh mua kaq nga kjo përqindje. Dhe tani këtyre u kthehen qindra milionë euro se u rritën çmimet. Atyre që iu rritën çmimet për kafshatën, nuk i jepet asnjë qindarkë qytetarëve.

Çfarë ndodh? Janë rritur kostot dhe shpenzimet për transportin dhe çdo gjë. Po pse zgjidhen vetëm ndërtuesit. Sepse ndërtuesit ndajnë më shumë para me qytetarët. Bizneset, përkundrazi, përgatitet ligji të vijë në Parlament së shpejti, ku atyre që iu premtua se deri në 2029 nuk do ketë rritje taksash, i vendos një taksë të re, e cila i çon me siguri drejt falimentimit. E njejta gjë me profesionet e lira, e njejta gjë me arsimin, e njejta gjë me shëndetësinë. Ndaj dhe përveç protestës, ky regjim nuk do mund të dorëzohet. Ky regjim duhet rrëzuar”, theksoi Berisha./ B.A.- CNA.al





Lajmet e fundit nga