web counter
LEXO PA REKLAMA!

SHKARKO APP

App Store
Google Play

Bardhi: Rama dhe Veliaj sulm ndaj SPAK

2024-04-09 13:09:00, Politikë CNA

Bardhi: Rama dhe Veliaj sulm ndaj SPAK

Kreu i grupit parlamentar të PD-së, Gazment Bardhi ka deklaruar se kryebashkiaku Erion Veliaj dhe kryeministri Edi Rama po sulmojnë dhe presionojnë SPAK sa herë janë të përfshirë në afera korruptive.

"Të shqetësuar për sulmin që mazhoranca ka vendosur t’i bëjë drejtësisë. Çdo çështje që shqetëson mazhorancën shndërrohet në sulm apo presion të drejtësisë. Nervozizmi i shtuar i kryeministrit në raport të halleve që e kanë zënë për korrupsionin kanë bërë që nga njeriu që mbështeste drejtësinë në sulmuesin më të madh të institucioneve.

Ditën kur u denoncua dyshimi i bazuar në provat për të vëllain pas disa ditësh heshtjeje në mënyrë mafioze i dha mesazhin SPAK-ut se çfarë duhet të bënte me hetimin e vëllait të tij.

Presion apo intimidim që nuk do të duhet të merret në konsideratë nga drejtësia e cila ka për detyrë të tregojë se nuk intimidohet kur bëhet fjalë të hetojë njerëzit afër kryeministrit.

Kemi parë një sulm nga Veliaj, ndaj SPAK-ut, sa i takon korrupsionit në Bashkinë e Tiranës, ku ekipi, bashkëpunëtorët më të afërt të tij, shtabi i tij elektoral, ishin përfshirë në korrupsion", tha Bardhi./ CNA





Lajmet e fundit nga