web counter
LEXO PA REKLAMA!

SHKARKO APP

App Store
Google Play

Bardhi bën Bashën ‘hero’/ Iku për të bashkuar demokratët

2022-10-24 23:13:00, Politikë CNA
Bardhi bën Bashën ‘hero’/ Iku për të bashkuar
Lulzim Basha dhe Gazment Bardhi

Deputeti Gazment Bardhi ka bërë Lulzim Bashën ‘hero’ për dorëheqjen si kryetar i Partisë Demokratike, duke u munduar të ngrejë figurën e këtij të fundit.

Bardhi tha në emisionin “Now” me Erla Mëhillin se largimi i Bashës nga drejtimi i PD-së është bërë për t’i hapur rrugë bashkimit të demokratëve.

“Ajo që unë kam besuar dhe vazhdoj të besoj është që largimi i zotit Basha nga drejtimi i partisë është bërë për t’i hapur rrugë bashkimit të demokratëve. Ka qenë një largim i sinqertë për të ndihmuar PD-në pas një konflikti 6-mujor mes një grupimi që besonte tek zoti Basha se vendimi i tij për pezullimin e zotit Berisha ishte i drejtë dhe një grupimi tjetër që besonte se ishte i gabuar dhe ishin rreshtuar përkrah zotit Berisha”, u shpreh ai.

I pyetur për takimet e Bashës me demokratë, Bardhi u mundua t’i justifikojë duke thënë se çdo deputret ka për detyrë të mbajë takime me demokratë dhe mbështetës të tij.

“Edhe unë isha në Elbasan dhe bërë një takim me demokratë, por nuk është se kisha ndonjë prapamendim tek takimet. Është detyrë e çdo deputeti dhe përfaqësuesi të demokratëve të takojë demokratë dhe njerëz që besojnë tek ai.

Të jeni të sigurt se nëse 21 mars do të ishte bërë ajo që zoti Basha propozoi, pra që unë tërhiqem nga djetimi i partisë dhe i kërkoi edhe me lutje zotit Berisha të tërhiqej, sot PD do të ishte e bashkuar. Akti i zotit Basha ishte për të bashkuar demokratët”, theksoi ai./ B.A. – CNA.al





Lajmet e fundit nga