web counter
LEXO PA REKLAMA!

SHKARKO APP

App Store
Google Play

Bardhi zbulon takimin me Palokën/ Mburret se nuk e panë mediat

2022-10-24 21:38:00, Politikë CNA
Bardhi zbulon takimin me Palokën/ Mburret se nuk e panë mediat
Deputeti Gazment Bardhi

Deputeti Gazment Bardhi ka zbuluar mbrëmjen e sotme një takim që ka zhvilluar me Edi Palokën, të caktuarin e Partisë Demokratike për të hyrë në bisedime me grupin e përçarësve, në lidhje me kandidatët e zgjedhjeve vendore të 2023-shit.

Bardhi tha se takimi mes tyre është zhvilluar të enjten e javës së kaluar, por nuk pranoi të tregojë vendin.

Gjithashtu, ai u mburr në emisionin “Now” me Erla Mëhillin për faktin që mediat nuk arritën të zbulojnë takimin mes tij dhe Palokës.

“Në fakt, nuk i kemi lënë ditët të ikin, unë jam takuar përsëri publike, por kësaj here mediat nuk arritën të na ndiqnin në takimin tonë të dytë, sikundër kam qenë në vijimësi, në komunikim.

Jemi takuar të enjten e javës që shkoi, sikundër kemi shkëmbyer identë tona, apo mendimet tona.

Jemi takuar të ejnjten, nuk ka rëndësi vendi, kemi biseduar, kemi vijuar bisedimet e të martës, ndërkohë që kemi qenë përsëri në kontakt për të parë rrugë që na çojnë drejt atij synimi të përbashkët”, u shpreh deputeti./ B.A. – CNA.al





Lajmet e fundit nga