web counter
LEXO PA REKLAMA!

SHKARKO APP

App Store
Google Play

E fundit!

x

Tej e këndej... Celibashi kërkon Bashën, Partia Demoratike regjistrimin

2023-03-11 19:50:00, Opinione Kastriot FRASHËRI

Tej e këndej... Celibashi kërkon Bashën, Partia Demoratike

Sot, në këtë vend, gjithçka mund të ndodhë!

Jemi mësuar me vendime nga më të çuditshmet jo vetëm nga institucionet publike, por edhe nga gjykatat.

I haruat ato vendimet e paradokohshme të gjykatave tona zullumqare teksa favorizonin me vendimet e tyre X apo Y oligark, godasin biznesmenë të veçantë si kundërshtarë të regjimit, duke krijuar norma apo preçedentë të rrezikshëm në kurriz të së drejtës, praktikës gjyqësore apo normave ligjore?

Kjo ndodhi edhe dy ditë më parë në KQZ, kur kreu i saj ndonëse njeh lidershipin real të PD nga njëra anë nuk e regjistron atë në të drejtën e saj themelore dhe kushtetuese që të marë pjesë në zgjedhje duke konkuruar denjësisht si alternative qeverisëse, nga ana tjetër i lë 48 orë afat 4-5 njerëzve duke u kërkuar të sjellin Lulzim Bashën aty apo autorizimet e tij, meqë Gjykata e Tiranës, si mbajtëse zyrtare e regjistrit te OJF dhe partive politike, nuk janë pasqyruar ndryshimet e ndodhura kur Luli ynë teksa ka nj? vit që është vetëlarguar nga drejtimi i partisë fakt që provohet publikisht pasi nuk ka asnje dalje publike që të deshmoje kete cilesi por vetem dorëheqjen e tij, paska haruar të autorizojë stafin e tij të pasqyrojë kete detyrim ligjor n? aktet e subjektit ne regjistrin e gjykatës.

Në jurisprudencë ka një parim të shenjtë që kush shkel ligjin nuk mund të përfitojë prej tij!

Në këto rrethana faktike dhe ligjore nuk e kuptojmë se çfarë akti pret KQZ apo Celibashi prej Bashës për të vijuar më tej?

Për ata që nuk e dinë se si duhet të zhvillohen procedurat e kërkuara ka vetëm një rrugë. Lulzim Basha duhet të urdhërojë Alibashët e tij të depozitojë kërkesën e dorëheqjes në Gjykatën e Tiranës sipas parashikimeve ligjore duke kryer njëkohësisht ndryshimin përkates në regjistër. Këtu mbaron historia! Ligji nuk lejon kryerjen e asnjë veprimi juridik më tej! Situata mbetet kaotike, pa asnjë zgjidhje ligjore përderisa palët të "dy" grupimet vijojnë të mbeten në të njejtën statusquo nisur edhe nga vendimi i fundit i Gjykatës së Apelit, i cili i ka kthyer palët në momentin fillestar të dhjetorit 2021.

Nuk e di se çfarë zgjidhje do të japë KAS për këtë çështje ndonëse prevalon e drejta e PD reale kundrejt atij grushti të vogël njerëzish që përmes manovrave dhe mbështetjes qeveritare kërkon të mbajë peng një vulë, e cila nuk është më funksionale, pasi është nxjerë jashtë perdorimit nga vetë anëtarësia e kësaj partie përmes shprehjes së demokracise direkte nga vullneti i anëtarësisë së saj në përputhje me përcaktimet statuore, në raport me kushtëzimet apo inponimet e një pushteti të tretë për të mbajtur pezull një ndryshim në Regjistrin përkatës të krijuar me ligj edhe pse realist e administron një pushtet tjetër që ligjërisht nuk lidhet me asnjë tjetër?

Në kushtet kur me rrethanat e krijuara rrezikohet prania reale e opozitës në zgjedhje në ushtrim të misionit të saj, kur KQZ kërkon të sjellin prova të reja për të cilat nuk mund të fabrikohen ngjarje apo fakte që nuk kanë ekzistuar përgjatë këtij vitit të fundit dhe më parë atëhere i vetmi mjet demokratik është gjetja e një zgjidhjeje politike që opozita reale të marë pjese në zgjedhje. Ndryshe pushteti politik i nj? mazhorance që me sa duket kontrollon të gjitha pushtetet me këtë akt do të asgjësonte kuptimin e demokracisë, shtetit ligjor dhe sundimit të ligjit në Shqipëri





15:48 Opinione Ardi Stefa

Mësuesit mjeranë!

Mjeranë? Po vërtet mjeranë! Pa personalitet, pa dinji...

Lajmet e fundit nga