web counter
LEXO PA REKLAMA!

SHKARKO APP

App Store
Google Play

Aksident i rëndë në aksin Sarandë-Delvinë/ Humb jetën ish-kryekomunari

2023-07-09 12:01:00, Kronika CNA

Aksident i rëndë në aksin Sarandë-Delvinë/ Humb

Një aksident me pasojë vdekjen ka ndodhur në orët e para të mëngjesit të sotëm në segmentin Sarandë-Delvinë.

Aksidenti ka ndodhur rreth orës 04.00 të mëngjesit.

Drejtuesi i automjetit ishte shtetasi me inicialet I.D., 61 vjeç, ish-kryetar i Komunës Livadhja, i cili është përplasur me një mjet tjetër duke marrë plagë të rënda.

Ai është transportuar në spitalin e Sarandës ku ka marrë ndihmën e parë dhe më pas është dërguar në Janinë ku dhe ka ndërruar jetë.

Policia ka nisur hetimet për shkaqet e ngjarjes.

 “Mëngjesin e sotëm, në vendin e quajtur 'Ura e Gajtarit', në Delvinë, automjeti tip 'Benz' me drejtues shtetasin I. D., 61 vjeç, banues së Sarandë, është përplasur me automjetin tip 'Volkswagen', me drejtues shtetasin N. B., 26 vjeç, banues në Delvinë.

Si pasojë e aksidentit janë dëmtuar të dy drejtuesit e automjeteve, të cilët janë dërguar në spitalin e Sarandës, për të marrë mjekim.

Disa orë pas aksidentit, shtetasi I. D. ka humbur jetën gjatë kohës që po transportohej në Greqi, për mjekim më të specializuar.

Në vijim të veprimeve procedurale, është arrestuar në flagrancë drejtuesi i automjetit tjetër, shtetasi N. B.

Grupi hetimor vijon punën per sqarimin e rrethanave të aksidentit", njofton policia./ CNA





Lajmet e fundit nga