web counter
LEXO PA REKLAMA!

SHKARKO APP

App Store
Google Play

E fundit!

x

Momenti prekës kur 9-vjeçari i liruar nga Hamasi përqafon babain e tij

2023-11-26 12:11:00, Kosova & Bota CNA
Momenti prekës kur 9-vjeçari i liruar nga Hamasi përqafon
Takimi me babain

Një video virale po qarkullon në rrjetet sociale ku 9-vjeçari Ohad i cili është në mesin e 13 pengjeve të Hamasit të liruar të premten vonë pasdite, më 24 nëntor, vrapon në krahët e babit të tij.

Ohad është liruar si pjesë e një marrëveshjeje armëpushimi me Izraelin.

Në videon e publikuar shihet 9-vjeçari duke vrapuar në krahët e babait të tij sapo e sheh dhe shpërthen në lot gëzimi.

9-vjeçari u lirua së bashku me nënën e tij 55-vjeçare Keren Mundar dhe gjyshen e tij Ruti, 78 vjeç, ndërsa gjyshi i tij Avraham Mundar mbetet në Gaza.

“Ne nuk do të ndalemi derisa të gjithë pengjet të bashkohen me familjet e tyre”,  ka deklaruar Izraeli.

Emrat dhe moshat e 13 izraelitëve që u kthyen në Izrael janë:

Hanna Katzir, 77 vjeç.

Margalit Mozes, 77 vjeç.

Yafa Ader, 85 vjeç.

Hannah Perry, 79 vjeç;

Adina Moshe, 72 vjeç.

Danielle Aloni, 44 vjeç / Emilia Aloni, 9.

Ruthi Monder, 78 vjeç / Keren Monder, 54 vjeç / Ohad Monder, 9 vjeç.

Aviv Asher, 2 vjeç/ Raz Asher, 5 vjeç/ Doron Katz-Asher, 34 vjeç.

Sipas Forcave të Mbrojtjes të Izraelit (IDF), një listë me emrat e atyre që pritet të publikohen do t’i jepet Izraelit çdo ditë.

Ushtria izraelite tha se pengjet do të merren “në zonën kufitare” dhe prej andej do të dërgohen në bazën ajrore Hajerim në Izraelin jugor.

Pasi të lirohen, ata do të priten nga specialistë të shëndetit mendor dhe do t’i nënshtrohen ekzaminimeve fillestare mjekësore, si dhe do t’u jepen numrat e telefonit për të kontaktuar me të afërmit e tyre.

Pengjet e liruar do të dërgohen në spitale, ku do të bashkohen me familjarët e tyre. Gratë e moshuara do të transferohen në një spital të ndryshëm nga fëmijët e vegjël.

Të gjithë pengjet e liruar pritet të qëndrojnë nën vëzhgimin mjekësor për të paktën dy ditë./CNA





Lajmet e fundit nga