web counter
LEXO PA REKLAMA!

SHKARKO APP

App Store
Google Play

E fundit!

x

Faktet/ Deputeti i Bashës hapi dhe e zhduku kompaninë e tenderave me Qeverinë

2022-08-13 12:09:00, Denoncim CNA

Faktet/ Deputeti i Bashës hapi dhe e zhduku kompaninë e tenderave me

Deputeti i Partisë Demokratike, Lefter Gështenja ka hapur një kompani, por nuk e ka deklaruar paranë ILDKPI-së. 

Skemë e qartë përfitimi milionash kur PD digjte mandatet, apo protestonte Lefteri fitonte tendera, me kompaninë e tij, të cilës ka tentuar t’ja zhdukë gjurmët.

Ish-drejtori i skandaloz i Rrugëve ka deklaruar pasuri marramendëse, por jo kompaninë me të cilën ka përfituar qindra-miliona lekë.

Gjatë një investigimi, të nisur para disa ditësh dhe që do të vojojë më tej CNA.al, ka konstatuar se Gështenja, deputeti i Lulzim Bashës , ka qenë pronar i një kompanisë “ CIVIL CONS” në ortakëri me një tjetër person K.A. edhe ky një ish punonjës i Drejtorisë të Rrugëve në kohën e Gështenjës.

Është fakt se Gështenja ka pasur një kompani private që ka marrë mbi 1 miliardë lekë tendera në institucione, por që i ka zhdukur gjurmët në mënyrë të dyshimtë.

Si lindi dhe si u zhduk “ CIVIL CONS” e Gështenjës?

Kompania “Civil Cons” u themelua me 05/01/2018. Sipas statutit të shoqërisë, ortakët themelues janë, K.A. dhe Lefter Gështenja me 50% të kapitalit secili.

Faktet/ Deputeti i Bashës hapi dhe e zhduku kompaninë e tenderave me

Pas një viti, kokretisht me datë 05.07.2019, me anë të kontratës së dhurimit të aksioneve, kompania ka kaluar në duar të familjareve të ortakëve, K.A dhe Lefter Gështenjës.

K. A. dhe Lefter Gështenja largohen nga shoqëria duke dhuruar kuotat e tyre prej 50% të kapitalit secili, në favor të ortakëve të rinj, D.A. dhe Sadete Gështenjës.

Faktet/ Deputeti i Bashës hapi dhe e zhduku kompaninë e tenderave me

Më tej kompania që kishte vetëm dy vite e themeluar dhe që kishte hyrë fuqishëm në treg duke marrë tendera qindra-milionë lekë nga isntitucionet shtetërore i shitet për vetëm 100 mijë lekë të vjetra.

Sipas të dhënave të QKB –së, me datë 25.09.2020, me anë të kontratës së shitjes se kuotave të kapitalit, ortaket Sadete Geshtenja dhe D. A. shesin kuotat e tyre prej 50% te kapitalit secila në favor te ortakëve të rinj: D.D. (50%) dhe K.Ç.i (50%), kundrejt çmimit total prej 100.000 (njeqind mijë) lekë.

Faktet/ Deputeti i Bashës hapi dhe e zhduku kompaninë e tenderave me

Kjo shitje ka ndodhur në momentet kur Gështenja deklaronte në takime se kishte të sigurtë vendin e mandatit të deputetit, pasi kishte zgjidhur gjithçka me Bashën dhe familjarët e tij.

Për të mos pasur më gjurmë dhe problematika gati 8 muaj nga fushata ai zhduk dhe familjarët e tij nga kompania.

Shitja dhe lëvizjet duken të jenë fiktive për të mos pasur problem si kandidat për deputet e më pas me mandat.

Zhdukja e gjurmëve të kompanisë

Lefter Gështenja, i cili shfaqej në krah të Lulzim Bashës në protestat e unazës së re ndërkohë që demokratët digjnin mandatet merrte qindra milionë lekë tendera nga pushteti i Rilindjes.

Faktet/ Deputeti i Bashës hapi dhe e zhduku kompaninë e tenderave me

Ndërsa dyshohet se ka zhdukur gjurmët e kompanisë, pasi ka marrë konfirmimin për deputet, tenderat janë fituar kur Shqipëria do digjej sipas Lulit dhe Lefterit që i qëndronte pas.

Deputeti i Lulzim Bashës rezulton një person me një listë skandalesh dhe pasuri të çmendur të keq-deklaruar dhe të fshehur, por edhe me biznese që kanë siguruar të ardhura qindra milionëshe nga Rilindja.

CNA.al ka siguruar informacione edhe për aksione në emër të personave të tretë me biznese të tjera, gjurmët e të cilave fshihen mirë dhe janë të vështira për t’u zbuluar.

Gjithashtu CNA.al ka marrë informacione për deputetin Gështenja nga një denoncim i mbërritur në redaksinë tonë dhe nesër do të sjellim një investigim mbi paratë që deputeti i Bashës ka fituar nga pushteti i Rilindjes dhe ka qarkulluar si biznesmen.

Dikur drejtor tek rrugët, më pas bëhet biznesmen e miliarder, më pas deputet i Lulzim Bashës që paguhet nga taksat e shqiptarëve. Ky është Lefteri me gjeneralitete të ndryshuara, që ka fshehur kompani e pasuri./CNA.al





Lajmet e fundit nga