web counter
LEXO PA REKLAMA!

SHKARKO APP

App Store
Google Play

E fundit!

x

Shpallet fituesi për ndërtimin e aksit rrugor Milot-Balldren/ Karakaçi: Procedurë jo e lehtë

2026-06-05 15:38:00, Aktualitet CNA

Shpallet fituesi për ndërtimin e aksit rrugor Milot-Balldren/

Ministri i Infrastrukturës dhe Energjisë, Enea Karakaçi, ka njoftuar shpalljen e fituesit për ndërtimin e aksit rrugor Milot-Balldren.

Karakaçi shprehet se ky aks rrugor ka një rëndësi të madhe, si pjesë e Korridorit Adriatiko-Jonian, për ndërlidhjen e pjesës së veriut me pjesët e tjera të Shqipërisë.

Ai thekson se procedura ka qenë jo e lehtë pasi ka pasur disa tentative të mëparshme, të cilat kanë rezultuar jo të suksesshme.

“Ditën e sotme kemi shpallur fituesin për ndërtimin e aksit rrugor Milot-Balldren. Ky është një aks shumë i rëndësishëm, pjesë e Korridorit Adriatiko-Jonian dhe që shërben për ndërlidhjen e veriut me pjesët e tjera të Shqipërisë.

Kjo është një rrugë e shumëpritur nga banorët e qarkut të Shkodrës dhe Lezhës dhe që kryen lehtësimin e trafikut në këto zona.

Procedura ka qenë jo e lehtë pasi ka pasur disa tentative të mëparshme, të cilat kanë rezultuar jo të suksesshme. Megjithatë me përkushtim dhe profesionalizëm ja kemi dalë që ditën e sotme të kemi shpalljen e fituesit, e cila bën përfundimisht të mundur ndërtimin e kësaj vepre. Do angazhohem që fillimi i ndërtimit të kësaj rruge të bëhet sa më shpejt dhe të ndërtohet brenda afatit të përcaktuar në kontratë.

Ndërtimi i kësaj rruge shkon natyrshëm me investimet që ka kryer dhe po planifikon të kryejë qeveria shqiptare në veriun e Shqipërisë”, shprehet Karakaçi. /CNA





Lajmet e fundit nga