web counter
LEXO PA REKLAMA!

SHKARKO APP

App Store
Google Play

Policia plan masash për protestën/ Veshje metalike në dyert e Kryeministrisë

2024-02-19 12:34:00, Aktualitet CNA

Policia plan masash për protestën/ Veshje metalike në dyert e

Ditën e nesërme opozita do të zhvillojë një protestë kundër qeverisë. Mësohet se policia do të ndërmarrë një sërë masash. Mbi 1100 forca të policisë, duke nisur nga ato të rendit, FNSH, Shqiponjat dhe Garda e Republikës, do të jenë në terren për mbarëvajtjen e protestës. Në gatishmëri do të jenë edhe forcat RENEA. 

Ndërkohë, dyert e kryeministrisë do të mbulohen me veshje metalike si dhe do të bllokohet bulevardi "Dëshmorët e Kombit" . 

Po kështu, do të ketë edhe autobotë me ujë nëse do të ketë nevojë në raste incidentesh.

 Si në çdo protestë do të krijohet kordoni me efektivë policie para kryeministrisë dhe perimetrit rreth saj.

Segmentet rrugore që janë të bllokuara 2 orë para nisjes së protestës deri në përfundim të saj janë:

Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”./CNA 





Lajmet e fundit nga